AI-Farabium IІ sýperkompıýteri iske qosylady — Baǵdat Mýsın
ASTANA. KAZINFORM — Bıyl qarashada AI-Farabium IІ sýperkompıýteri iske qosylady. Bul týraly Úkimet otyrysynda «Qazaqtelekom» AQ basqarma tóraǵasy Baǵdat Mýsın málim etti.
Onyń aıtýynsha, Almaty qalasynda álemdegi eń ónimdi 500 sýperkompıýter qataryna kiretin AI-Farabium I sýperkompıýteri iske qosyldy. Búginde ol álemdegi sýperkompıýterler arasynda 103-orynda tur. Sonymen qatar qazirgi ýaqytta onyń esepteý qýaty 100 paıyz qoldanylady.
— Munan bólek jańa derekterdi óńdeý ortalyqtar qurylyp jatyr. Bıyl qarasha aıynda Qosshy qalasyndaǵy sýperkompıýterdi iske qosý josparlanǵan. Ony AI-Farabium IІ dep atadyq. Onyń ónimdiligi Almatydaǵy sýperkompıýterden 3 ese arttyq, 4,3 myń petaflops bolady. Sonymen birge Qazaqtelekom Ekibastuz qalasyndaǵy Derekter ortalyǵy alqabyn salý jobasynyń operatory bolyp belgilendi. Búginde 20-dan astam gıperseıl-kompanııalarmen kelissózder júrgizilip, nátıjesinde 100 MVt-tan asa qýatqa aldyn ala suranys qalyptastyryldy., — dedi Baǵdat Mýsın.
Buǵan deıin Ǵylym jáne joǵary bilim vıtse-mınıstri Talǵat Eshenqulov eldegi qaı ýnıversıtetterde sýperkompıýter ornatylǵanyn jáne olardy kimder paıdalana alatynyn túsindirgen edi.
