Ai.Dana bir jylda 12 myń adamǵa memlekettik qyzmet kórsetti - Eńbek vıtse-mınıstri
«Biz úshin áleýmettik-eńbek salasyndaǵy ahýaldyń qandaı ekenin kórý mańyzdy. Máselen, elimizde qansha zeınetker bar, qansha adamnyń járdemaqy alatyny týraly derekter qyzyqtyrady. Sondyqtan, memlekettik qyzmetter boıynsha aqparatty kórsetetin ózimizdiń sıtýatsııalyq ortalyǵymyzdy qurdyq. Bul júıe boıynsha óńirlermen turaqty jumys istep kelemiz», - dedi vıtse-mınıstr Ortalyq kommýnıkatsııalar qyzmetinde ótken brıfıngte.
Sonymen birge, vıtse-mınıstr vedomstvonyń vırtýaldy keńesshisi Ai.Dana-nyń jumysy týraly aıtyp berdi.
«Halyqqa jyldam aqyl-keńes berý úshin ótken jyly jasandy ıntellekt negizinde jumys isteıtin vırtýaldy keńesshi Ai.Dana jobasy iske qosylǵan. Ol mınıstrliktiń resmı saıtynda, enbek.kz saıtynda jáne Facebook messendjerinde aqparat berýge daıyn. Bul tsıfrlandyrý aǵymy jáne onyen betpe-bet kelip otyrmyz. Jaqynda ǵana otandyq telearnalardyń birinde i-Sanj esimdi vırtýaldy jýrnalıst tanystyryldy. Endi bizdiń Aıdana men Aısanjdy bir-birimen tanystyrýdy usynyp otyrmyn», - dedi vıtse-mınıstr.
2019 jyly Ai.Dana 12 myń adamǵa qyzmet kórsetken. ıAǵnı, koll-ortalyqqa habarlasqan, jumyspen qamtý bólimderine kelgen adamdardyń suraqtaryna jaýap bergen. Bıyl onyń bilim bazasyn tolyqtyryp, ózin-ózi jetildirý múmkindigimen tolyqtyrǵymyz keledi», - dedi Narıman Muqyshev.
Buǵan deıin vıtse-mınıstr Aqtóbede bastaý alǵan Áleýmettik ID karta jobasynyń barlyq óńirlerde júzege asyrylatynyn habarlaǵan edi.
