AI-95 tapshylyǵy bolmaıdy, sonda da Reseıden ımportty arttyramyz – vıtse-mınıstr

Energetıka vıtse-mınıstri Erlan Aqkenjenov AI-95 markaly benzınniń tapshylyǵyn boldyrmaý úshin qandaı sharalar qabyldanyp jatqanyn aıtty, - dep habarlaıdy QazAqparat tilshisi.

Energetıka mınıstrliginde ótken brıfıngide BAQ ókilderi vıtse-mınıstr Erlan Aqkenjenovten AI-95 markaly benzınniń tapshylyǵy qalaı sheshiletinin surady.

«Búgingi tańda Reseı Federatsııasymen 40 myń tonna (AI-95 markaly – red.) benzın jetkizý týraly ındıkatıvti kelisim bar. Biz Reseı Federatsııasy Energetıka mınıstrligine osy ındıkatıvti balansty 70 myń tonnaǵa ulǵaıtý týraly hat joldadyq. ıAǵnı, bul shamamen 110 myń tonna bolady degen sóz. «PETROSUN» kompanııasynyń qajetti benzındi jetkizbeýi týraly suraǵyńyzǵa kelsek, kelisimshart Reseı Energetıka mınıstrliginiń ótinishi boıynsha bir aıǵa shegerildi. Ózderińiz bilesizder, olarda AI-95 markaly benzın men dızel boıynsha jaǵdaı ońaı bolmaı tur. Reseıdiń ońtústik óńirlerinde tutas bir aımaqtarda benzın men dızel joq. Tipti ol óńirlerde egin jınaý naýqany úzilip qalýy múmkin. Biz ol áriptesterimizdi túsinemiz», - dep jaýap berdi mınıstrdiń orynbasary.

Aıtýynsha, Reseıden ákelinetin benzın kólemin ulǵaıtý sharasy saqtyq úshin ǵana jasalyp otyr.

(Biraq bul jerde AI-95 benzıniniń ózimizdegi óndirisi qazan aıynda 65 myń tonna kóleminde bolatynyn aıtý kerek. Jospar boıynsha 80 myń tonna tutynýymyz kerek. Biraq qyrkúıek aıynyń qaldyqtaryn qosyp eseptesek, boljam boıynsha, qazan aıyn tapshylyqsyz ótkize alamyz. Energetıka mınıstrliginiń boljamy boıynsha AI-95 markaly benzınniń tapshylyǵy bolmaý kerek», - dedi Erlan Aqkenjenov.