AI-92/93 markaly janarmaı 117 teńgege deıin ósedi
ASTANA. 4 qazan. QazAqparat - Brend markaly munaıǵa baǵa belgileý mánderiniń tamyz aıynda bir barrel úshin 109 AQSh dollarynan qyrkúıek aıynda bir barrel úshin 113,68 AQSh dollaryna deıin ózgerýine baılanysty AI-92/93 markaly benzınniń Reseı Federatsııasynan 40%-ǵa deıin jetkizilýine qazaqstandyq naryqtyń táýeldiligin eskere otyryp, osy benzınniń ǵana baǵasyn QQS-men 110-nan 117 teńge/lıtrge deıin ózgertý týraly sheshim qabyldandy.
Bul týraly Tabıǵı monopolııalardy retteý agenttigi tóraǵasynyń orynbasary Amanjol Alpysbaev búgin ótken baspasóz máslıhatynda málimdedi.
Onyń aıtýynsha, TMRA, Munaı jáne gaz mınıstrligi men Ekonomıka jáne bıznestik josparlaý mınıstrlikteriniń birlesken buıryǵy kelesi aptada, naqtyraq aıtsaq, 12 qazanda qabyldanady dep josparlanýda.
«Bıylǵy qańtardan bastap munaı ónimderin ishki qatynasta temir jolmen tasymaldaý tarıfteri orta eseppen 44%-ǵa kóterildi. Bul DSU, sondaı-aq Keden odaǵy jáne Biryńǵaı ekonomıkalyq keńistik sheńberinde ázirlengen Temir jol kóligi qyzmetterine qol jetkizýdi retteý týraly kelisimniń talaptaryna sákes qatynas túrleri boıynsha tarıfterdi kezeń-kezeńimen júrgizilgen biregeılendirýge baılanysty», - dedi A. Alpysbaev.
Sondaı-aq ol AI-80 markaly benzın men dızeldik otyn baǵalarynyń ózgermeıtinin atap ótti. «Ol MGM derekterine sáıkes ózimizde jetkilikti mólsherde óndirilýine baılanysty bolyp otyr», - dedi TMRA tóraǵasynyń orynbasary.
