AI-80 benzınin memlekettik retteý alynyp tastalýy yqtımal

ASTANA. QazAqparat - AI-80 benzınin memlekettik retteý alynyp tastalýy múmkin. Bul týraly búgin «21 ǵasyrdyń ıadrolyq tehnologııalary jáne taratpaý máseleleri» atty halyqaralyq konferentsııa aıasynda BAQ ókilderine suhbat bergen QR Energetıka mınıstri Vladımır Shkolnık málim etti.

Suhbat barysynda mınıstr AI-80 benzıniniń shekti baǵasy óz deńgeıinde qalatyndyǵyn atap ótkenimen bul markany memlekettik retteý alynyp tastalýy kerektigin basa aıtty.

«Menińshe, kúzgi janarmaı tutynylýy óte joǵary osynaý aýyr kezeń aıaqtalǵannan keıin, shamamen qarasha aıynda bul máselege oralatyn bolamyz», - dedi ol.

Sonymen qatar V.Shkolnık aldaǵy ýaqytta AI-80 markaly benzın óndirisi toqtatylatyndyǵyn atap ótti.