Ahýal qıyndasa, HalykArena jáne Almaty Arena saraılarynda ınfektsııalyq statsıonar ashylady
ALMATY. QazAqparat – Almatyda koronavırýs boıynsha epıdemıologııalyq ahýal kúrt nasharlasa, qaladaǵy HalykArena jáne Almaty Arenasport keshenderi bazasynda ınfektsııalyq statsıonar ashylady. Bul týraly búgin onlaın brıfıng kezinde qalalyq Qoǵamdyq densaýlyq basqarmasynyń basshysy Kamaljan Nadyrov aıtty, dep habarlaıdy QazAqparat tilshisi.
«Statsıonarlarǵa kelip jatqandar sany artyp keledi. Tósek-oryndarynyń tapshylyǵy baıqalyp jatyr. Búginde provızorlyq tósek-oryndar 90%-ǵa júktelgen, ınfektsııalyq tósek-oryndar 95% -ǵa júktelgen. Eger epıdemıologııalyq ahýal qıyndaı tússe, HalykArena bazasynda 500 oryn ashýdy qarastyrýdamyz. Sondaı-aq, biz 150 tósek-orynǵa arnalǵan «Temirjol aýrýhanasy» AQ gospıtali bazasynda juqpaly aýrýlar statsıonaryn ashatyn bolamyz. Osylaısha, juqpaly aýrýlarǵa arnalǵan 1940 tósek-orynǵa qosymsha taǵy 650 oryn ashylatyn bolady. Jaǵdaı odan ári ýshyqqan jaǵdaıda, «HalykArena» bazasyndaǵy tósek-oryndar sanyn 300 tósek-orynǵa kóbeıtý múmkindigi bar. Sol sııaqty «AlmatyArena» bazasynda da statsıonar ashýǵa bolady. Osynyń barlyǵy eseptegende, 3700-ge deıin juqpaly aýrýlar ornyn, provızorlyq tósek-oryndaryn 1000-ǵa deıin ashýǵa múmkindik beredi. Sonymen qatar, biz jataqhanalar bazasynda provızorlyq jáne juqpaly aýrýlar tósek-oryndaryn ashý máselesin qarastyratyn bolamyz», - dedi Kamaljan Nadyrov.
Ol nelikten sport nysandary tańdalǵanyn aıtty.
«Biz qaladaǵy barlyq bos oryndardyń ınspektsııasyn júrgizdik. Infektsııalyq statsıonar bolý úshin birqatar talaptary bar. Bul ǵımarattardy dezınfektsııalyq óńdeýge bolady. Sondaı-aq, jeldetý júıesi jaqsy», - dedi ol.
Qazir ýaqytta dárigerler men meıirbıkeler brıgadasy qurylyp jatyr.
