AHO birinshi kezeńinde qazaqstandyq desantshylar alda boldy

ASTANA. QazAqparat - Armııa halyqaralyq oıyndary - 2016 dodasy alańynan alǵashqy nátıjeler de belgili boldy. Qazaqstannyń desantshylary Novorossııskidegi «Raevskıı» polıgonynda «Desanttyq vzvod» halyqaralyq baıqaýy birinshi kezeńiniń kóshbasshylary atandy. Bul týraly QR Qorǵanys mınıstrliginiń baspasóz qyzmeti habarlady.

Qazaqstan, Reseı, Belorýssııa, Qytaı, Iran, Mysyr, Venesýelanyń quramasy men ÁDD ardagerlerinen quralǵan AAFEQO komandasy Mı-8 tikushaǵynan parashıýttik desanttaýdy, jınalýdy jáne 10 shaqyrymdyq marsh júgirýdi oryndady.
Saıys qorytyndysy boıynsha Qazaqstannyń desantshylary birinshi orynǵa ıe boldy. Jerge qoný alańyndaǵy jınalý boıynsha Qazaqstan úzdik nátıje kórsetti. Komandamyzdyń artynan Qytaı jáne Reseı taban tiredi. Ári qaraı Mysyr, Iran, Belarýs jáne Venesýelanyń komandalary jaıǵasty.
Alda saıystyń taǵy da birneshe kúrdeli kezeńderi tur. Alaıda, aralyq qorytyndyny negizge ala otyryp, ári qaraı jarystaǵy negizgi báseke alǵashqy úsh komandanyń arasynda kúsheıe túsedi degen boljam bar. Qatysýshylarǵa ekıpajdarsyz vzvodtyń sprıntin oryndaýǵa, sýly ýchaskeni júze otyryp, atys qarýynan oq atýǵa týra keledi.
Odan basqa, saıys júze otyryp, desanttyń urys mashınasynda (bronetransporterynda) oq atýmen qýdalaý jarysy, taýly estafeta, atys qarýynan, granataatqyshtardan oq atý, júze otyryp, sýly ýchaskeni eńserýmen dáldikke granata laqtyrý, al sońynda dáldikke jeke sekirý túrindegi áskerı synaqtar daıyndaýda.