Ahmetjan Qazymbetovtiń júldesi: erkin kúresten halyqaralyq týrnır ótýde
KÓKShETAÝ. QazAqparat - Şýche qalasynda QazKSR eńbek sińirgen jattyqtyrýshy Ahmetjan Qazymbetovtiń qurmetine 2001-2003 jylǵy uldar men qyzdar arasynda erkin jáne áıelder kúresinen dástúrli halyqaralyq týrnır ótýde, dep habarlaıdy QazAqparat tilshisi.
Týrnırdiń ashylý saltanatyna qatysqan aýdandyq dene shynyqtyrý jáne sport bóliminiń basshysy Anastasııa Shkrobot jarysqa qatysýshylardy quttyqtaı kele, óńirde qazaq kúresiniń damýyna eleýli úles qosqan QazKSR-nyń eńbek sińirgen jattyqtyrýshysy Ahmetjan Qazymbetov týraly óziniń jyly lebizin bildirdi.
Saltanatty shara barysynda elimizde kúrestiń damýyna zor úles qosqan sportshylar túrli deńgeıdegi nagradalarmen marapattaldy.
«Jaqsy» sport kesheninde ótip jatqan jarysqa Qazaqstan, Reseı, Ázerbaıjan, Ózbekstan jáne Qyrǵyzstan elderinen kelgen ár salmaqtaǵy 400-den astam sportshy qatysyp, baqtaryn synaýda. Týrnır úsh kún boıy jalǵaspaq.
