Ahmetjan Esimov Serik Úmbetovke Almaty mańyndaǵy aımaqtardy damytýdyń bas jobasyn tabystady

A.Esimovtyń pikirinshe, qalanyń bas jospary sapaly ári az ýaqytta jasalǵan. «Dál osy jerde eki kún buryn Elbasy bolyp, onyń bas jobasyn muqııat qarap, óte joǵary baǵa berdi. Muny jasaý kóp jumys pen qarajatty qajet etti. Degenmen usynysymyzdy Úkimet qabyl alyp, onyń jumysyna 950 mln. teńge bóldi. Bir aıdaı ýaqyt buryn Úkimet jobany maquldap, qazir iske asýda", - deıdi qala ákimi.

Mamandardyń aıtýynsha, alǵash jasalyp otyrǵan Almatynyń bas jobasy qala shetindegi aımaqtardyń barlyq damý aspektilerin eskere otyryp jasalǵan. Turǵyzylyp jatqan qurylystar, kólik jáne ınjenerlik júıeler, halyqtyń demalys oryndary, áleýmettik sala nysandary men jasyl orman, baq aýmaqtarynyń barlyǵy da jobany jasaý kezinde eskergen.

Almaty oblysynyń Qarasaı, Talǵar, Іle jáne Qapshaǵaı, Eńbekshiqazaq pen Jambyl aýdandarynyń jartysyn qamtyp jatqan bas joba 17,44 myń tekshe metrdi qurap otyr, oǵan 221 eldi meken kirgen.

Osy bas joba aıasynda ekologııalyq taza orta qurý men Almatynyń seısmıkalyq qaýipsizdigin qamtamasyz etý josparlanýda. Sonymen qatar Almaty men onyń mańyndaǵy aımaqtardyń qarjylaı damýymen qosa týrıstik, ǵylym-bilim salasy, medıtsınalyq aımaqty ortalyq, qurylys ındýstııasyn damytý kózdelip otyr.

Jıyn barysynda qala ákimi atalǵan bas jobany jasaǵan mamandardy quttyqtap, maqtaý qaǵazdarymen marapattady.