Ahmetjan Esimov «Qorǵas - shyǵys qaqpasyna» bardy
Qor basshysy «Horgos» kóliktik-logıstıkalyq hab aýmaǵynda ornalasqan jalpy kólemi 3010 sharshy metr bolatyn «Qazposhta» AQ-nyń keden qoımasymen tanysty. Qoıma áýe jetkizý merzimin 2-3 kúnge jáne kólik jetkizý merzimin 7-12 kúnge deıin qysqartýǵa múmkindik beredi, sondaı-aq poshta operatoryna seriktester sanyn ulǵaıtýǵa múmkindik beredi. Atap aıtqanda, búginde «Qazposhta» AQ ınfraqurylymyn Clevy, «OBORCloud Network Technology Co., Ltd» kompanııalarmen jáne basqa da qytaılyq logıstıkalyq kompanııalarmen kelisimge qol jetkizdi.
Sonymen qatar, qytaılyq seriktester osy jyldyń sońyna deıin Qazaqstan arqyly 400 tonnadan astam taýar jiberýge daıyn. Qoıma Qytaıdan Eýropalyq odaq pen Ortalyq Azııa elderine jiberiletin tranzıttik júkterdi óńdeýge arnalǵan. Qoımanyń óndiristik qýattylyǵy táýligine 15-20 tonna, al syıymdylyǵy 58 tonnany quraıdy.
Sondaı-aq, Ahmetjan Esimov Qurǵaq port pen «Zarıa Ltd» JShS astyq termınalyna bardy. Munda 2018 jyldyń qorytyndysy boıynsha óńdelgen konteınerlerdiń kólemi 2017 jylmen salystyrǵanda 39 %-ǵa artyp, 133 myńnan astam JFE ( jıyrma fýnttyq ekvıvalent) quraıdy.
Aıta ketken jón, Altynkól shekara beketiniń logıstıkalyq ınfraqurylymyn, «Horgos-Shyǵys qaqpasy» AEA-nyń qurǵaq portyn, Aqtaý teńiz portyn belsendi paıdalaný osy baǵytty jáne búkil aımaqty damytýǵa yqpal etedi.
Aǵymdaǵy jyldyń sáýir aıynda Qordyń qoldaýymen Aqtaý teńiz portynan Qazaqstannyń alǵashqy «Túrkistan» fıderlik kemesi Baký portyna jol tartty.
Sonymen qatar, Qor basshysy AEA aýmaǵynda jańa nysandardy iske qosý josparalarymen tanysty. 2019 jyldyń sońyna deıin AEA-da tórt jańa zaýyt ashylady. 2025 jylǵa deıin jalpy quny 421 mlrd teńgeni quraıtyn 10 ınvestıtsııalyq joba júzege asyrylatyn bolady.
