Ahmetjan Esimov EQYU/DIAQB Elshisimen kezdesti
ALMATY. 17 naýryz. QazAqparat /Erlik Erjanuly/ - QR Prezıdentiniń kezekten tys saılaýyn joǵary deńgeıde ótkizýge barlyq jaǵdaı jasalady.
Bul jaıynda búgin Almatyda qala ákimi Ahmetjan Esimov pen EQYU Demokratııalyq ınstıtýttar jáne adam quqyqtary jónindegi bıýrosynyń Elshisi, Prezıdent saılaýyn baqylaý jónindegi mıssııasynyń basshysy Daan Eıvertspen bolǵan kezdesýde aıtyldy. Ákimniń sózine qaraǵanda, Prezıdenttik saılaýǵa Almatydaǵy 467 saılaý ýchaskesi tolyqtaı daıyn. 13 naýryzǵa deıingi málimet boıynsha, ondaǵy saılaýshylar tizimi 955 525 adamdy qurap otyr. Prezıdenttikke úmitkerlerdiń barlyǵyna birdeı BAQ-na teńdeı qoljetimdi jaǵdaı jasalǵan. Akkredıtatsııasy bar baqylaýshylardyń elektoraldy naýqan jáne saılaý kezinde erkin jumys jasaýlaryna barlyq múmkindikteri bar.
D. Eıvertstiń aıtýynsha, onyń bul sapardaǵy basty maqsaty - QR Prezıdenti saılaýy aldyndaǵy ahýalmen tanysý. Ol saılaýdy uıymdastyrý men ótkizý jáne saılaý komıssııasy quramyn jasaqtaý barysyna erekshe qyzyǵýshylyq bildirdi. Jalpy shtab-páteri Varshavada ornalasqan DIAQB 1990 jyly qurylǵan bolatyn. ıAnez Lenarchıch jetekshilik etetin bul uıym búkil EQYU aýmaǵynda jumys jasaıdy.
