Ahmetjan Esimov Almaty memlekettik jańa tehnologııalar kolledji men №6 kásiptik lıtseıiniń oqý barysymen tanysty
MATY. 27 qazan. QazAqparat /Názıra Eleýhan/ - Almatyda qala ákimi Ahmetjan Esimov Almaty memlekettik jańa tehnologııalar kolledji men №6 kásiptik lıtseıiniń oqý barysymen, tynys-tirshiligimen tanysyp qaıtty.
Kezdesý barysynda lıtseı men kolledj oqýshylary qala ákimine ózderiniń bilimderi men jańa jabdyqtardyń jumysyn kórsetti. Ákim kezdesýde eń mańyzdysy túlekterdiń jumysqa ornalasýlary ekendigin atap ótip: «Sizderdiń mamandyqtaryńyz úlken suranysta, sondyqtan biz bilim salasyna kóptegen qarajat bólemiz, ásirese kásiptik-tehnıkalyq jaǵyna. Eń bastysy - óz isińniń jaqsy mamany bolý. Kásibı qoldar kez-kelgen jerde suranysta bolady», - dedi.
Qazirgi ýaqytta Almaty qalasynyń orta arnaýly oqý oryndary qazirgi zamanǵa laıyq jańa jabdyqtarmen jaraqtanǵan. Lıtseı men kolledj oqýshylary qajetti mamandyq alyp, jumysqa ornalasatyn múmkindikke ıe bolýda.
Búginde №6 kásiptik lıtseıi tehnıkalyq qyzmet kórsetý, jóndeý men avtokólikter quraldaryn paıdalaný, avtomobıldiń elektr jabdyqtaryn jóndeıtin elektrık, avtoservıs menedjeri jáne t.b. mamandyqtar kadrynyń ordasy bolyp tabylady. Lıtseıdiń úlken materıaldyq-tehnıkalyq bazasy bar. Munda jastar teorııalyq qana emes, arnaıy qurylǵylarda, sonymen qatar jańa ınnovatsııalyq nemis jáne ońtústikkoreıalyq jabdyqtarda jumys jasaýdy úırenip, tájirıbe júzinde bilim alýda. Oqý kezinde stýdentter úshin ár túrli mekemelerde is-tájirıbeden ótýge, sonda tirkelip, keıin bilim alǵannan keıin sol jumys oryndarynda qyzmet etýge múmkindikter qarastyrylǵan.
Al, qazirgi tańda Jańa tehnologııalar kolledji kompıýterlik dıagnostıka, avtomobıl kóligin jóndeý men qyzmet kórsetý, kólikti radıoelektrondy jabdyqty tehnıkalyq paıdalaný, jáne taǵy da basqa mamandyqtar boıynsha oqytady. Oqý orny kadrlar kestesi boıynsha eki satyly daıyndyqty úzdiksiz bilim berý kesheni bolyp tabylady. Mamandardy daıyndaý jáne qaıta daıyndaý, biliktilikti arttyrý aıasynda kolledj Qazaqstan-Germanııa halyqaralyq jobasyna qatysyp keledi. 2005 jyldan bastap kolledjde stýdentterdiń ǵylymı qoǵamy belsendi jumys jasaýda. Onyń qatysýshylary Almaty qalasy ákimi syılyǵynyń jáne stýdenttik jastar arasyndaǵy ınnovatsııalyq ıdeıalar baıqaýynyń dıplomanttary bolyp tabylady.
