Ahmetov isindegi fıgýrant bıýdjet qarjysyn arab kompanııasynyń shotyna aýdarǵanyn aıtty
QARAǴANDY. QazAqparat - Qaraǵandy oblystyq sotynda burynǵy premer-mınıstr Serik Ahmetov pen ózge de laýazymdy tulǵalarǵa qatysty qylmystyq is odan ári qaralýda.
Qaraǵandydaǵy ındýstrııalyq parktiń ınfraqurylymynyń qurylysyna bólingen bıýdjet qarajatyn jymqyrý týraly epızodty qaraý barysynda sottalýshylardyń biri - «Eco-treatmentsystems» JShS-nyń dırektory Dýman Nurbaev kýáger retinde jaýap berdi.
Esterińizge sala keteıik, budan erterek osy is boıynsha aıpytalýshylardyń biri - Qazaqstan ónerkásiptik korporatsııasynyń bas dırektory Áljan Aqmoldaev kýáger retinde jaýap berip, Serik Ahmetovtiń arqasynda «Tsentrstroı-komplekt NS» kompanııasy Qaraǵandydaǵy ındýstrııalyq parktiń ınfraqurylymyn salýda óte tıimdi sharttarmen merdiger atanǵanyn aıtqan bolatyn. Dál osy Áljan Aqmoldaev búgin jaýap alynǵan Dýman Nurbaev basqaratyn «Eco-treatmentsystems» JShS kompanııasyn kelisimshart boıynsha bólingen qarajattyń jartysyn qaıtaryp beresiń degen shartpen merdiger retinde jumysqa tartqan.
Al, jýyrda «Somnýs» JShS-nyń dırektory N.Elgondınnyń isi boıynsha kýáger bolǵan adam osy kompanııanyń kómegimen Qaraǵandy ındýstrııalyq parkiniń ınfraqurylymyna bólingen qarajat qolma-qol aqshaǵa aınalǵanyn aıtqan bolatyn.
«Áýel bastan-aq Áljan Aqmoldaev osy qarajatty qolma-qol aqshaǵa aınaldyrý jolyn usynǵan bolatyn. ıAǵnı, bul qarajatty qalaı qolma qol aqshaǵa aınaldyramyz degende, bizge kompanııalardy taýyp, olarmen kelisimshart ázirlep, qarajat arasyndaǵy aıyrmashylyqtardy qolma qol aqshaǵa aınaldyryp, oǵan berip otyrýymyz kerektigin aıtqan. Nemese ózge de joldardy qarastyrýǵa bolady dedi. Jeke kezdesýimizdiń birinen soń Aqmoldaev qarajatty sheteldik kompanııalardyń shotyna aýdarý arqyly qolma qol aqshaǵa aınaldyrýǵa bolady dedi, biraq, naqty qandaı kompanııa bolatynyn nemese qandaı ıýrısdıktsııa arqyly júzege asatynyn aıtqan joq», - dedi D.Nurbaev.
D.Nurbaevtyń bank salasynda tanystary bolǵan, sondyqtan, ol bul shartty oryndaıtynyn bilgen. Osy sátte Qaraǵandy ındýstrııalyq parkiniń ınfraqurylymyna qatysty qurylys jumystary bastalyp ketken bolatyn.
«Sóıtip, Aqmoldaevtyń aldyndaǵy ýádemdi oryndaıtyn kez de keldi. Bul shamamen 2012 jyldyń sońy bolatyn. ıAǵnı, aldyn ala keliskenimizdeı, men «Somnýs» JShS, «Gepipetrade» JShS jáne «PerfectEducation» JShS kompanııalaryn taptym. Men «Somnýs» kompanııasynyń dırektory stýdenttik kezden bergi tanysym Nurlan Elgondın ekenin biletinmin, bul kompanııa santehnıkalyq qyzmetter usynatynyn, kishi-girim jumystar atqaratynyn biletinmin jáne ınfraqurylymnyń jumystaryna keletin kompanııadaı kórindi. Men N.Elgondınǵa habarlasyp, ol taǵy basqa adamdarǵa habarlasyp, qurylǵy jetkizý úshin osy úsh kompanııany taptyq»,-dep habarlady D.Nurbaev.
«Jumystyń sharty mynandaı bolatyn: biz osy kompanııalar arqyly ınfraqurylymnyń qurylysyna qajetti qurylǵylardy, basqa da kerek-jaraq materıaldardy satyp alamyz, al qarajattyń qalǵanyn olar qolma-qol aqshaǵa aınaldyryp, maǵan berip otyrýy kerek edi. Osylaısha, «PerfectEducation» kompanııasyna 504 mln teńge, «Somnýs» kompanııasyna 656 mln teńge, Gepipetrade» - 117 mln.teńge aýdardyq», - dep túsindirdi ári qaraı D.Nurbaev.
D.Nurbaevtyń aıtýynsha, ol Á.Aqmoldaevqa qolma-qol aqshany eki jolmen qaıtaryp otyrǵan, birinshiden, tıisti kompanııanyń shet eldegi shotyna aýdarý arqyly, ekinshiden, qolma-qol aparyp berý arqyly. Aqmoldaev oǵan «Al Karada General Trading LLC» degen arab kompanııasynyń rekvızıtterin berip, osy kompanııanyń shotyna aqsha aýdarý kerektigin aıtqan.
«Osylaısha, men arqyly «Al Karada General Trading LLC» kompanııasynyń shotyna 1 mln dollar kóleminde qarajat aýdaryldy. Naqtyraq aıtsam, «Al Karada General Trading LLC» kompanııasynyń shotyna men 2012 jyldyń jeltoqsanynda, dálirek aıtsam, 11 jeltoqsan kúni 150 myń dollar, 13 jeltoqsan kúni 100 myń dollar jáne 27 jeltoqsan kúni 147 myń dollar, barlyǵyn qosqanda 496 myń dollar aýdardym. Aýdarylǵan jalpy soma 993 myń dollardy qurady», - dep habarlady D.Nurbaev.
