Ahmet Jubanov atyndaǵy daryndy balalarǵa arnalǵan mektep-ınternattyń ustazdary men oqýshylarynyń esepti kontserti ótedi
ALMATY. 21 sáýir. QazAqparat - Almatyda 27 sáýir kúni Jambyl atyndaǵy memlekettik fılarmonııanyń ortalyq kontsert zalynda Ahmet Jubanov atyndaǵy respýblıkalyq daryndy balalarǵa arnalǵan mektep-ınternattyń ustazdary men oqýshylarynyń esepti kontserti bolady.
Ol áıgil mýzyka zertteýshisi, kompozıtor, Qazaqstanyń halyq ártisi, akademık Ahmet Qýanuly Jubanovtyń 29 sáýirdegi týǵan kúnine oraı, Almaty qalasynyń «Mádenıet jyly» aıasynda uıymdastyrylyp otyr.
Kontsertke úrlemeli jáne urmaly aspaptar, sımfonııalyq jáne kameralyq orkestrler men «Aq jeleń» etnofolklorlyq ansambli jáne halyqaralyq jáne respýblıkalyq baıqaýlardyń laýreattary qatysady. Onda sondaı-aq, mektep-ınternattyń «Giovani talenti» kameralyq orkestri men «Aq jeleń» etnofolklorlyq ansambli kúı tartysyn kórsetpek.
Bul óner ordasy shırek ǵasyrǵa jýyq óz tarıhynda 1 myńnan astam mýzyka salasynyń mamandaryn daıyndady. Olardyń 500-den astamy halyqaralyq jáne respýblıkalyq baıqaýlardyń jeńimpaz atandy. Búgingi tańda mektep túlekteriniń 500-den astamy elimizdegi túrli deńgeıdegi mýzykalyq oqý oryndarynda ustazdyq qyzmet jasaýda.
