Ahmet Jubanov atyndaǵy mýzyka mektebi 60 jylda myńnan astam óner ıesin túletti
ALMATY. KAZINFORM — Almaty qalasynyń Óńirlik kommýnıkatsııalar qyzmetiniń alańynda Ahmet Jubanov atyndaǵy daryndy balalarǵa arnalǵan respýblıkalyq mamandandyrylǵan qazaq mýzykalyq mektep-ınternatynyń 60 jyldyǵyna arnalǵan brıfıng ótti.

Spıkerlerdiń sózinshe,mereıtoıǵa arnalǵan saltanatty gala-kontsert 2 jeltoqsan kúni Almaty teatr saraıynda ótedi.
Oǵan Mádenıet jáne aqparat mınıstri Aıda Balaeva, Qazaqstannyń belgili óner qaıratkerleri men qoǵamdyq kóshbasshylary qatysady dep kútilýde.
Keshtiń basty qatysýshylary - mekteptiń talantty oqýshylary bolmaq.

«1964 jyly kórnekti kompozıtor Ahmet Jubanovtyń bastamasymen qurylǵan mektep aýyldyq jerlerdegi daryndy balalarǵa eýropalyq jáne álemdik mýzyka ónerimen tanysýǵa múmkindik berý maqsatynda esigin aıqara ashty», – dedi mektep dırektory Nurken Áshirov.
Aıtýynsha, artta qalǵan alty onjyldyqta mektepten 1000-nan astam mýzykant túlep ushty, olardyń kópshiligi álemdik sahnalarda tanymadylyqqa ıe.
«A.Raıymqulova, B. Demeýov, T. Zabırova, A. Eńgepov sııaqty mektep túlekteri Qazaqstandy halyqaralyq arenada tanystyryp qana qoımaı, ulttyq mádenıettiń damýyna da úles qosyp júr», – dedi ol.
Osyǵan deıin,Respýblıka saraıynda Sh. Ýálıhanov atyndaǵy №12 mamandandyrylǵan gımnazııanyń 100 jyldyq mereıtoıyna oraı «Ǵasyr mektebi» atty merekelik kontsert ótken bolatyn.