Ahmet Zákı Ýálıdı Toǵan eńbekteriniń túrki álemi úshin mańyzy zor - Sattar Majıtov
/strong>Naýryzdyń 10-y. QazAqparat /Názıra Eleýhan/ - Búgin Ulttyq kitaphanada kórnekti tarıhshy-shyǵystanýshy ǵalym, professor, ǵylym doktory Ahmet Zákı Ýálıdı jyly aıasynda «Túrki halyqtarynyń tarıhy men mádenıeti Ahmet Zákı Ýálıdı Toǵan zertteýlerinde» atty dóńgelek ústel otyrysy bolyp ótti,
dep habarlaıdy QazAqparat.
TÚRKSOI halyqaralyq uıymynyń uıymdastyrýymen ótken basqosýǵa otandyq tarıhshy ǵalymdar, Bashqurtstannyń, túrik eliniń belgili ǵalymdary, Túrkııadan arnaıy shaqyrylǵan ǵalymnyń balasy Súbedeı Toǵannyń ózi qatysty.
«Ahmet Zákı Ýálıdı eńbekteriniń túrk álemi úshin mańyzy zor. Ol túrki tildes halyqtardy biriktiretin túrik áleminiń túpki tamyryn tereń zertegen ǵalym. Onyń eńbekteri - túrik halyqtarynyń teńdigine, ortaq dúnıesin nasıhattaý isine arnalǵan. Odan alatyn taǵylymymyz - ol árqashanda ar-namysqa júgenip, eldiń bolashaǵyn oılaý máselesin jáne ony biriktirýdi aldyǵa qoıǵan. Óıtkeni, tek birikken jaǵdaıda ekonomıkalyq órleý bolady, sondaı-aq saıasat ta júıeli júredi degen», dedi Sh.Ýálıhanov atyndaǵy tarıh jáne etnologııa ınstıtýtynyń dırektory, tarıh ǵylymynyń doktory, professor Sattar Majıtov.
«Aǵıdel» bashqurt mádenı ortalyǵynyń jetekshisi Azamat Ryskeldınniń aıtýynsha, Ahmet Zákı Ýálıdıdiń eńbekteri qaıta shyǵarýdy jáne tolyq zertteýdi qajet etedi. «Ahmet Zákı Ýálıdı - ulttyq-mádenı oıdy jetkizýshi ǵana emes, búkil túrik ıslam oıyn jetkizýshi. Onyń eńbekteri eń aldymen "bizdiń kim ekenimizdi bilýge, ózimizdi tanýǵa" qajet. Onsyz biz óz qyzyǵýshylyǵymyzdy qorǵaı almaımyz», dedi Azamat Ryskeldın.
