Ahmet ıAsaýı kesenesin kórýge qaı elderden týrıster kóp keledi
TÚRKІSTAN. KAZINFORM — Túrkistanǵa kelgen sheteldik týrıster sany 45 paıyzǵa artty. Ótken jyly osynda atbasyn burǵandardyń basym bóligi — Ózbekstan azamattary.
Ótken jyldyń IІІ toqsanyndaǵy málimetke sensek, Túrkistan oblysyna 500 myńnan astam týrıst kelgen.
Onyń 235 myńy qonaq úıler men hostelderge, 136,4 myńy emdik saýyqtyrý oryndaryna, 128,6 myńy tabıǵı aýmaqtarǵa ornalasqan.
Sondaı-aq, byltyr birkúndik kelýshiler sany 900 myń adamǵa jetti. ıAǵnı, bir kún ishinde «Áziret Sultan» qoryq murajaıyna — 638,8 myń, «Otyrar» qoryq-mýzeıi — 241,2 myń adam kelýshi retinde tirkeldi.
E-qonaq júıesine sáıkes 2024 jyly óńirge 21 121 sheteldik týrıst kelip, kórsetkish ótken jylmen salystarǵanda 45 paıyzǵa artyp otyr.
Al, 2023 jyly bul kórsetkish 14 510 adamdy quraǵan.
Oblysqa kelýshi sheteldik týrıster boıynsha TOP-5 memleketti Ózbekstan Respýblıkasy bastap tur.
Odan keıingi qatarda Reseı, Qytaı, Túrkııa, Qyrǵyzstan elderi bar.
— Ózbekstannan — 10 852, Reseıden — 1411, Qytaıdan — 983, Túrkııadan — 744, Qyrǵyzstan — 435 adam óńirge kelgen. Bul rette, bıylǵy jylǵy oblysqa keletin týrıster sanyn 550 myń adamǵa, birkúndik kelýshiler sanyn 1 mln adamǵa jetkizý josparlanyp otyr, — deıdi Túrkistan oblysy týrızm basqarmasynyń basshysy Nurdáýlet Medeýov.
