Ahmet ıAsaýı kesenesine kelýshilerge 500 lıtr naýryz kóje taratyldy
Mýzeı ujymy ata-baba árýaǵyna arnap quran baǵyshtady. Jeti túrli taǵamnan daıyndalǵan bereke men molshylyqtyń sımvoly sanalatyn kójeden Germanııa, Ózbekstan elderinen kelgen týrıster men elimizdiń túkpir-túkpirinen kelgen zııaratshylar dám tatty.
«Handarymyz ben bılerimiz jatqan qasıetti jerde Naýryzdyń erekshe lebi seziledi. Quran baǵyshtap kelgen biz arnaıy usynylǵan naýryz kójeden dám tatyp, Allanyń nesibesi jaýyp jatqandaı sezimge bólendik. Elimiz aman, jurtymyz toqshylyqta bolsyn. Gúldenip kele jatqan Túrkistannyń tamyry tereńdeı bersin. Barshańyzdy Ulystyń uly kúnimen quttyqtaı otyryp, óz alǵysymdy bildiremin!»,-dedi Almaty qalasynan kelgen týrıst Zarıpa Qydyrova.
Merekelik shara kesene aýmaǵyndaǵy Ardagerler saıabaǵynda jalǵasyn tapty. Atalar men ájeler bir-birimen kórisip, Naýryz merekesimen quttyqtady. Aq túıege mingen Qydyr ata aq batasyn berip, elimizge amandyq, jurtymyzǵa tynyshtyq tiledi.
Merekeleýdiń jańa qyryna mán bergen qoryq-mýzeı ujymy «Ań stıli» atty ulttyq kıim sán úlgilerin, tazy júgirtip, qyran baptaǵan qazaq saıatshylarynyń sherýin uıymdastyrdy. Ulttyq aspaptarmen qazaqtyń halyq ánderi oryndalyp, jazba aqyndardyń Túrkistan jáne ıAsaýı taqyrybyndaǵy óz shyǵarmashylyqtary el yqylasyna bólendi.
Sondaı-aq, belgili aıtysker aqyn Bekarys Shoıbekov pen onyń shákirti Turar Tileýlıevtiń «Naýryz» aıtysy jyr súıer kórermenge erekshe serpilis syılady. Aıtys barysynda handardyń esimderi, batyrlardyń dańqy, bı-sheshenderdiń abyroıy men sultandardyń sara joly óleń bolyp órilip, halyqtyń zor qoshemetine bólendi.
Merekelik jıyn barysynda sharaǵa qatysqan ájelerge aq oramal jabylyp, balalarǵa arnaıy syılyqtar úlestirildi. Sonymen qatar, úsh sábıdiń tusaýy kesildi. Shara sońy ulttyq sport oıyndaryna ulasyp, jeńimpazdarǵa arnaıy syı-sııapattar berildi.
