Ahmet Baıtursynulynyń týǵan jerinde ınfraqurylymdyq jobalar iske asady – Memlekettik hatshy
«Memleket basshysy mereıtoı sharalarynyń «as ta tók» toımen emes, elge paıdasy tıetin naqty jumystarmen erekshelenýi qajettigin únemi aıtyp júredi. Bul ustanym Ahańnyń mereıtoıyna da qatysty. Ult ustazynyń týǵan jeri — Qostanaı oblysynda ınfraqurylymdyq jáne mádenı-rýhanı jobalar júzege asyrylýǵa tıis. Ol jóninde bizde oblys ákimshiligimen sondaı kelisim bar», - dedi ol konferentsııa barysynda.
Erlan Qarınniń paıymdaýynsha, Ahmet Baıtursynuly – barlyq dáýirdegi qazaq balasyna ortaq tulǵa.
«Onyń eńbegi men shyǵarmashylyǵy, kúreske toly ómir joly barshamyzǵa úlgi-ónege. Ahań – ult rýhnanııatynyń temirqazyǵy. Biz sol temirqazyqty qazaqtyń órkenıet kógindegi basty baǵdar etip ustanamyz. Sondyqtan Ahań qazaqpen birge máńgi jasaı beredi», - dep túıindedi Memlekettik hatshy.
