Ahmet Baıtursynulynyń 150 jyldyǵy aıasynda alleıa ashyldy

TALDYQORǴAN. QazAqparat - Taldyqorǵanda ult ustazy Ahmet Baıtursynulynyń 150 jyldyq mereıtoıy aıasynda alleıa ashyldy, dep habarlaıdy QazAqparat tilshisi.

Alleıanyń Taldyqorǵanda ashylýynyń óz mán-maǵynasy bar. Til bilimi ınstıtýtynyń ǵalymdary Ahmet Baıtursynuly Jetisý óńiri týraly kóp zertteý júrgizgendigin aıtady.

«Jetisýǵa baılanysty derekterdi óte jaqsy bilgen. Myna jaqta «Mamanııa» mektebi bar. Qapaldaǵy Barlybek Syrttanov mektebi bar. Qapal óńiri týraly «Qazaq» gazetinde udaıy jazyp otyrǵan», - deıdi A. Baıtursynuly atyndaǵy Til bilimi ınstıtýty dırektorynyń orynbasary Ermuhamet Maralbek.

Shaǵyn saıabaq «Til saraıy» ǵımaratynyń aýlasynda ornalasqan. Alash ardaqtysynyń esimin ulyqtaýǵa kelgen ǵalymdar men til janashyrlary qylqan japyraqtylar jáne jemis aǵashtaryn otyrǵyzyp, Jetisýdyń bas qalasyn jasyl jelekke aınaldyrýǵa óz úlesterin qosty.

Jalpy, bıyl Ahmet Baıtursynulynyń mereıtoıy halyqaralyq deńgeıde atalyp ótedi. Birneshe memlekette ǵylymı-konferentsııalar uıymdastyrylyp, qalamger shyǵarmalary men eńbekteri baspadan qaıta jaryqqa shyǵarylmaq.

Buǵan deıin jazǵanymyzdaı, bıyl Ahmet Baıtursynulynyń 150 jyldyǵy ıÝNESKO aıasynda atalyp ótedi.