Ahmet Baıtursynuly aýylyna aýyzsý qubyry tartylady – Qostanaı oblysy
Jangeldın aýdany – oblys ortalyǵynan eń shalǵaı ornalasqan óńir. Aýdan ekonomıkasynyń negizgi salasy, strategııalyq mańyzdy baǵyty – aýyl sharýashylyǵy óndiris. 2020 jyldyń 9 aıynda aýdan kásipkerleri 12 mlrd 703 mln teńgeniń ónimin óndirgen. Astyq naýqany da ýaqytyly aıaqtaldy.
«Jangeldın aýdanynda 25324 ga jerge egin sebildi. Odan 20765 ga bıdaı jınalyp, ortasha túsimi 8,3 ts/ga boldy. Kóktemgi egin sebý jumystaryna 369 tonna arzandatylǵan janarmaı bólindi. Mal sharýashylyǵy salasynda 8 mlrd teńgeniń ónimi óndirilip, naqty kólemi 104,2 paıyzǵa jetti. Sharýashylyqtardyń barlyq túrlerinde 38 myń bas iri qara, 92 myń bas qoı-eshki, 13 myń astam jylqy ósirilýde. «Qarapaıym zattar ekonomıkasy» baǵdarlamasy sheńberinde 4 sharýashylyq Agrarlyq nesıelik korporatsııasy arqyly 77 mln teńge nesıe aldy», - dedi aýdan ákimi.
Bıyl aýdanda «Jumyspen qamtýdyn jol kartasy», «Aýyl el besigi» baǵdarlamalary aıasynda birneshe nysanda kúrdeli jóndeý, qurlys jumystary qarqynda júrip jatyr. 459 jumys orny qurylsa, Jumyspen qamtý ortalyqtary arqyly 234 adam jumys tapty. «Jumyspen qamtýdyń jol kartasy» baǵdarlamasy aıasynda Albarbóget aýyldyq okrýginiń Kólqamys aýylyn sýmen jabdyqtaý júıesin qaıta jańǵyrtýǵa 104 mln teńge bólindi. Mundaı jumys Aqkól, Qalam-qarasý jáne Sarysý aýyldarynda da júrgizildi. Sonymen qatar Ahmet Baıtursynuly aýylyna taza aýyzsý jelisi tartylady. Buǵan deıingi sýmen jabdyqtaý júıesi qaıta jańǵyrtylyp, nysanynyń qurylys jumystary aldaǵy 10 jeltoqsanda aıaqtalmaq. Bul maqsatqa qazynadan 332 mln teńge bólingen.
«Aýdanda «Aýyl el besigi» baǵdarlamasy sheńberinde jalpy quny 548 mln teńgeni quraıtyn «Dene shynyqtyrý-saýyqtyrý kesheni» qurlysyna 362 mln teńge baǵyttaldy. Nysandy iske qosý 2021 jyldyn 31 tamyzyna belilengen. Salynǵan merzimnen bastap jóndeý jumystary júrgizilmegen Jangeldın aýdandyq balalar-jasóspirimder sport mektebiniń «Topjarǵan» stadıony kúrdeli jóndeýden ótedi. Joba quny – 156 mln teńge. Sonymen qatar Torǵaı aýylynyń ınfraqurylymyn jańartýǵa mán berilip keledi. Eesepti jyly «Aýyl – el besigi» baǵdarlamasy Máýlenov, Tynymov, Quljanov, Altynsary, Keıki batyr kóshelerine ortasha jóndeý júrgizildi», - dedi Shota Ospanov.
