Ahmet Baıtursynuly aýylyna aparatyn jol qashan jóndeledi

Qostanaı oblysynyń ákimi Qumar Aqsaqalov Ortalyq kommýnıkatsııalar qyzmetindegi brıfıngte Ahmet Baıtursynulynyń aýylyna aparatyn jol nege tolyq jóndelip bitpeı jatqanyn túsindirdi, dep habarlaıdy Kazinform.

«Siz Ahmet (Baıtursynuly – red.) aýylyna aparatyn joldy ózim baqylaımyn dep edińiz. Sondaı-aq Mirjaqyp (Dýlatuly) aýyly sanalatyn Qyzbel men Bıdaıyq joly qashan salynady? Osy eki Alash arysynyń aýylyna baratyn jol áli salynbaı otyr. Osyny siz sheshe alasyz ba?», – dep surady BAQ ókili.

Ákim ondaı másele bar ekenin rastady.

«Ókinishke qaraı, ondaı fakti bar. Byltyr Jangeldi aýylyna barǵan kezimde de, halyqpen kezdesken kezimde de osy jol týraly aıtylǵan. Jarty jol jóndeýden ótti. Endi jartysy qalyp otyr. Ahmettiń aýylyna deıin qatelespesem, negizgi tasjoldan 100 shaqyrym bar. Endi sol 50 shaqyrymdy jóndeýge 1 mlrd 100 mln teńge bólindi. Konkýrsta Qaraǵandy oblysynyń bir kompanııasy jeńgen eken. Utqanymen, esh nárse istegen joq. «Minekı, aqshamyz bar, daıyn tur. Іstemeısiń be?». Biraq istegen joq», – dedi ákim.

Aımaq basshysy qazir Jangeldi aýdanynyń ákimdigi merdigermen kelisimshartty buzýǵa árekettenip jatqanyn aıtty.

«Kelesi jyly biz mindetti túrde sol qarajatty bólip, qajet bolsa taǵy da kóbeıtemiz. Ahmettiń aýylyna deıingi jol mindetti túrde jóndelýi kerek. Men halyqtyń aldynda ýáde berdim. Qarajatymyz daıyn», – dedi Qumar Aqsaqalov.