Ahmat Qadyrovtyń Otany - Qaraǵandy oblysyna Groznyıdyń meri keldi
QARAǴANDY. QazAqparat - Sheshenstan Respýblıkasynyń alǵashqy prezıdenti Ahmat qajy Qadyrov dúnıege kelgen Malaıa Saran kentindegi estelik oryndarǵa Groznyı meri Mýslım Hýchıev bardy, dep habarlady «QazAqparat» HAA tilshisi.
Qaraǵandy oblysy ákiminiń baspasóz qyzmetinen habarlaǵandaı, Mýslım Hýchıev Ahmat qajy Qadyrov týǵan úıiniń ornyna ornatylǵan memorıaldyq tasqa bardy. Sondaı-aq Malaıa Saran kentine kireberistegi estelik belgi, Sheshenstan Respýblıkasynyń tuńǵysh prezıdentiniń ómirimen baılanysty ótken shaǵyn eske salady.
«Bul sapar - Qazaqstan men Sheshenstan Respýblıkasy arasyndaǵy ekijaqty dostastyq qatynastardy damytýǵa aýqymdy úles qosqan memleket qaıratkeri Ahmat qajy Qadyrovty eske alý, oǵan qurmet kórsetý», - dep atap ótti Saran ákimi Erjan Temirhanov.
Groznyı meri Qazaqstanǵa XXV TMD astanalary men iri qalalarynyń halyqaralyq assambleıasyna qatysý úshin keldi. Kezdesý Astanada «EKSPO-2017» kórmesi aıasynda ótti. Taqyryby - «Jahandyq syn-qaterlerge jaýap retinde qalalardyń ornyqty damýynyń jańa baǵdarlamasy».
Ahmat Qadyrov 1951 jyly 23 tamyzda Malaıa Saran kentinde turǵan. 1957 jyly sáýirde Qadyrovtar otbasy Sheshen-Ingýsh ASSR-yna qaıta oraldy.
