Ahmadınejad ýnıversıtetti basqaratyn boldy
ASTANA. 27 shilde. QazAqparat - Mahmud Ahmadınejad Iran prezıdenti ókildigi aıaqtalǵan soń Tegrandaǵy jańa tehnologııalyq ýnıversıtetti basqaratyn boldy. Bul týraly senbi kúni ırandyq BAQ-qa silteme jasap Associated Press habarlady.
Eks-prezıdent osy oqý ornyn qurý jóninde Islam mádenı revolıýtsııasy Joǵarǵy keńesiniń ruqsatyn aldy. Jańa ýnıversıtet aqparattyq tehnologııalar, nantehnologııalar, aeroǵaryshtyq jáne ıadrolyq zertteýler salasynda mamandar daıarlaıtyn bolady.
Irandy 2005 jyldan beri basqaryp kelgen Mahmud Ahmadınejad 4 tamyzdan bastap prezıdent oryntaǵyn bosatady. Bul kúni Islam Respýblıkasynyń jańa basshysy Hasan Rýhanı ant qabyldaıdy. Ol 14 maýsymdaǵy prezıdent saılaýynda 50 paıyzdan astam daýys jınap, jeńiske jetken bolatyn. Ahmadınejad saılaýǵa qatysqan joq, óıtkeni ol prezıdent laýazymynda eki ret bolǵan edi.
Ahmadınejad Tegran ǵylym jáne tehnologııalar ýnıversıtetiniń ınjenerlik fakýltetinde joǵary bilim aldy. Sonda aspırantýrada oqydy jáne ǵylym doktory dárejesin aldy.
