Ahmadınejad Katar ámirshisine «ıran bombasyn» tabys etti
ASTANA. Qyrkúıektiń 6-sy. QazAqparat - Katar ámirshisi sheıh Hamad ben Halıfa Ál Tanı ırandyq nanoskop tartý etilgen úshinshi memleket basshysy atandy.
Iran Prezıdenti bul tartýdy Dohaǵa saparynyń barysynda tartý etti jáne «ıran bombasy» - eldiń ǵaryshty zertteý, nanotehnologııalar, bıotehnologııalar, agrotehnologııalar, farmatsevtıka jáne basqa da ǵylymdar salasyndaǵy jetistikteri ekenin» atap kórsetti, dep habarlaıdy RBK agenttigi.
Irannyń nanotehnologııalar salasyndaǵy osynaý biregeı jetistigi - ırandyq nanoskop - aǵymdaǵy jyldyń basynda Venesýela jáne Brazılııa prezıdentteri Ýgo Chaves pen Lýıs Inasıý Lýla de Sılvaǵa tartý etilgen bolatyn. Jergilikti derekkózderdiń aıtýynsha, ırandyq nanoskop - álemniń alty elinde ǵana jasalynatyn zamanaýı elektrondyq qural. Ol nanoqurylymdardyń, antıdenelerdiń, proteınder men DNK molekýlalarynyń eki ólshemdi jáne úshólshemdi beınelerin alýǵa múmkindik beretin qural.
Ahmadınejad óz sózderiniń birinde, Batystyń Irannyń ıadrolyq bombasynan qaýiptenetinin, biraq ta Irannyń ıadrolyq qarýǵa tipten talpynyp otyrmaǵanyn málim etti. Іs júzinde «Irannyń bombasy» - ol eldiń ǵaryshtyq zertteý, nanotehnologııalar, t.b. salalardaǵy jetististeri», dedi prezıdent óz sózinde. Iran basshysynyń aıtýynsha, Islam Respýblıkasynyń qarsylastaryn dál osy jetistikter úrkitip otyrǵan kórinedi.
