Ahmadınejad: Iran ıadrolyq qarý jasamaq emes
ASTANA. Qyrkúıektiń 23-i. QazAqparat - Iran ıadrolyq qarý jasamaq emes. Islam Respýblıkasynyń Prezıdenti Mahmud Ahmadınejad sársenbi kúni Sı-en-en telekompanııasyna bergen suhbatynda osy ustanymdy taǵy da jarııa etti, dep habarlaıdy ITAR-TASS agenttigi.
«Biz ıadrolyq qarýǵa talpynyp otyrǵanymyz joq. Bizdiń oǵan degen yqylasymyz joq», - dedi Iran Prezıdenti óz sózinde
Ahmadınejad sondaı-aq, barlyq memleketterdiń qarýsyzdanýlary kerek ekenin atap kórsetti. Ol, AQSh pen «sıonıstik memleket» Izraılge erekshe nazar aýdardy. «AQSh pen sıonıstik memlekettik úkimetteri qarýsyzdanýlary kerek, sebebi álemge Qurama Shtattar men sıonıstik memlekettiń qolyndaǵy bombalar da qaýip tóndirip otyr», - dedi Iran basshysy.
Tegranǵa qatysty engizilgen sanktsııalar týraly máselege toqtalǵan Ahmadınejad, olardy pármendi dep sanamaıtynyn aıtty. Onyń aıtýynsha, ol sanktsııalar onyń eline «eshqandaı zardap tıgizip otyrǵan joq».
Iran prezıdenti óz suhbatynda sondaı-aq, Izraıldiń jáne ol eldiń premeri Bınıamın Netanıahýdyń atyna qatty syn aıtty. Ahmadınejad Izraıl úkimetiniń basshysyn «áıelder men balalar óltirip dánikken qasapshy» dep atady.
