Ahmadınejad 20 paıyzdyq ýran óndirý týraly nusqaý berdi
ASTANA. Aqpannyń 8-i. QazAqparat - Iran Islam Respýblıkasynyń Prezıdenti Mahmud Ahmadınejad Irannyń Atom energııasy jónindegi uıymyna ýrandy 20 paıyzdyq deńgeıge deıin baıytý jónindegi jumystardy bastaýdy tapsyrdy.
Bul týraly Ahmadınejad Tegranda ótken lazerlik tehnologııalar kórmesiniń ashylý rásiminde málim etti, dep habarlaıdy ITAR-TASS agenttigi.
«Buǵan deıin men álemdik derjavalarǵa, ıadrolyq otyndy almastyrý týraly kelisimshart jasaýǵa 2-3 aı merzim kerek ekenin aıtqan bolatynmyn. Eger olar bizdiń sharttarymyzben kelispese, onda biz ýrandy ózimiz baıyta bastaımyz degen edik»,- dep atap kórsetti Ahmadınejad óz málimdemesinde.
«Endi, doktor Salehı, óz tsentrafýgalarymyzda 20 paıyzdyq ýrandy óndirýge kirise berińiz», - dep málim etti Ahmadınejad Iran Islam Respýblıkasynyń vıtse-prezıdenti, Irannyń Atom energııasy jónindegi uıymynyń basshysy Álı Akbar Salehıge qarata aıtan sózinde.
