Ahmadınedjad mınıstrler kabınetindegi jalǵyz áıel mınıstrdi jumyssyz qaldyrdy
ASTANA. 29 jeltoqsan. QazAqparat - Iran Prezıdenti Mahmýd Ahmadınedjad el úkimetindegi jalǵyz áıel mınıstrdi jumystan shyǵaryp jiberdi, dep habarlady Agence France-Presse memlekettik telearnaǵa silteme jasap.
2009 jyldan bastap densaýlyq saqtaý mınıstri ári Iran tarıhyndaǵy tuńǵysh áıel mınıstr bolǵan Martsıh Vahıd Dastjerdıdiń ornyna Muhammed-Hasan Tarıkat-Monfared taǵaıyndaldy.
BAQ-tyń habarlaýynsha, Vahıd Dastjerdı jumystan bosatylar aldynda birqatar dári-dármektiń baǵasyn kóterý týraly Úkimetti sendirýge tyrysqan kórinedi. Al bul bastamaǵa Ahmadınedjad túbegeıli qarsy bolypty.
