Ahmadı Maqanov Shvetsııadaǵy sýper týrnırdiń chempıony atandy

ASTANA. KAZINFORM – Qazaqstandyq tennısshi Ahmadı Maqanov Stokgolm qalasynda 14 jasqa deıingiler arasynda Tennis Europe sýper týrnırinde úzdik shyǵyp, Shvetsııa koroliniń kýbogyn jeńip aldy.

Aqtóbe tennıs mektebiniń túlegi, 13 jastaǵy A.Maqanov shırek fınalda Tennis Europe reıtıngisinde 2-orynda turǵan grekııalyq Rafael Pagonısti joldan taıdyrdy – 6:4, 6:2.

Jartylaı fınalda jarystyń 4-raketkasy, ýkraınalyq ıÝrıı Stolıarovtyń mysyn basty – 6:2, 6:4. 

Qazaqstandyq tennısshi tartysty ótken sońǵy básekede Tennis Europe reıtıngisinde 10-satydaǵy frantsııalyq Samýel Dakasenniń meselin qaıyrdy – 6:2, 6:7, 6:3. 

Kungens Kanna & Drottningens Pris dodasynda 2015 jyly Tımofeı Skatov ozyq shyqqan edi.

Onda qazaqstandyq sportshy fınalda ulybrıtanııalyq Djek Dreıperdi 6:4, 6:2 esebimen utqan bolatyn. 

Ahmadı Maqanov – Shvetsııa koroliniń kýbogyn jeńip alǵan, tolyqtaı Qazaqstanda daıyndalǵan alǵashqy oıynshy. Ahmadı qazirgi kezde Team Kazakhstan akademııasynda jattyǵady. 

Shvetsııa koroliniń kýbogy úshin Kungens Kanna & Drottningens Pris týrnıri 1901 jyldan beri ótkizilip keledi. Kezinde munda álemniń eks 1-raketkasy, «Úlken dýlyǵa» týrnıriniń 11 dúrkin chempıony, shvetsııalyq Born Borg jeńimpaz atanǵan edi. Sondaı-aq osy týrnırde Stefanos Tsıtsıpas, Kasper Rýýd, Djek Dreıper jáne basqa ataqty tennısshiler oınady.

Eske sala keteıik, budan buryn jas tennısshi Ahmadı Maqanov týraly ne biletinimizdi jazǵan bolatynbyz.