Alǵash ret qazaq tennısshisi Maıamı týrnıriniń jartylaı fınalyna shyqty

ASTANA. KAZINFORM — Maıamı qalasynda (AQSh) 14 jasqa deıingiler arasynda asa bedeldi Eddie Herr týrnıriniń jartylaı fınalyna shyqqan tennısshiler anyqtaldy. 

Aqtóbe tennıs mektebiniń túlegi jáne Team Kazakhstan akademııasynyń múshesi Ahmadı Maqanov qazaqstandyq jasóspirimder arasynda alǵash ret osy dodanyń jartylaı fınalyna ótti.

Qazaqstandyq tennısshi shırek fınalda jarystyń 4-raketkasy, qytaılyq Vang Boshıdi 6:2, 7:6 (13:11) esebimen tize búktirdi.

Ahmadı Maqanov fınalǵa shyǵý úshin venesýelalyq Mehıs Ignasıomen talasady.

Basqa qazaqstandyq tennısshiler de jaqsy nátıje kórsetti. Іrikteý saıystarynan bastaǵan Aıym Qanaǵatova úshinshi aınalymǵa deıin jetti. Ańsar Nıetqalıev shırek fınalda tartysty matchta qarsylasyna jol berdi.

Eddie Herr týrnıri jyl saıyn qarashanyń sońy men jeltoqsannyń basynda ótkiziledi. Jarys 12, 14, 16 jáne 18 jasqa deıingiler arasynda jekeleı, juptyq jáne aralas synda ótedi. Básekeler Nık Bolleterı tennıs akademııasynyń korttarynda on kúnge deıin sozylady.

Bul dodada myń jarymdaı jas tennısshi baq synaıdy. Kezinde munda Rodjer Federer, Marııa Sharapova, Endı Roddık, Davıd Nalbandıan, Anna Kýrnıkova, Mardı Fısh, Ksavere Mallıs, Marselo Rıos, Elena ıAnkovıch jáne Ana Ivanovıch sııaqty atyshýly tennısshiler óner kórsetken.

Eske sala keteıik, budan buryn Elena Rybakınanyń álemdegi eń tabysty tennısshilerdiń qataryna engenin jazǵan bolatynbyz.