Ahmadı Mahanov – jyldyń úzdik sheteldik oıynshysy
ACTANA. KAZINFORM – 14 jastaǵy qazaqstandyq Ahmadı Mahanov Eýropalyq tennıs qaýymdastyǵynyń (Tennis Europe Tour) nusqasy boıynsha «Jyldyń sheteldik oıynshy» (Eýropa elderinen tys) marapatyna ıe boldy.
2025 jyly qazaqstandyq tennısshi joǵary nátıje kórsetip, maýsym qorytyndysy boıynsha 16 jasqa deıingi oıynshylar arasyndaǵy Eýropalyq tennıs qaýymdastyǵy reıtınginde 24-orynǵa turaqtady.
Qazaqstan tennıs federatsııasy málimetinshe, osy maýsymda Ahmadı jekeleı synda Stokgolmde ótken bedeldi Korol kýbogynyń «Sýper» sanatyndaǵy týrnırinde bir tıtýl jeńip aldy. Sonymen qatar juptyq saıysta «Avenıý kýbogy», «Tım Esson» jáne «Brselav Oýpen» týrnırlerinde úsh ret top jardy. Budan bólek, ol Tennis Europe serııasyndaǵy bir týrnırde jekeleı synda fınalǵa deıin jetti.
Ahmadı Mahanov - Aqtóbe tennıs mektebiniń túlegi.
Aıta keteıik, kúres túrlerinen maýsym óz máresine jetti. Maýsym qorytyndysy boıynsha Birikken kúres álemi (UWW) úzdik balýandardyń reıtıngin jarııalady.