Ahmadı Mahanov Astanadaǵy J300 týrnıriniń chempıony atandy
ASTANA. KAZINFORM — Qazaqstandyq tennısshi Ahmadı Mahanov elordada ótken World Tennis J300 Astana halyqaralyq jasóspirimder týrnıriniń jeńimpazy boldy, dep habarlaıdy QTF baspasóz qyzmeti.
Jasóspirimder arasyndaǵy jekeleı synda ótken fınaldyq kezdesýde qazaqstandyq tennısshi týrnırdiń altynshy raketkasy, Úndistan ókili Samart Sahıtamen kezdesti. Mahanov eki sette senimdi jeńiske jetip, 6:1, 6:3 esebimen basym tústi jáne chempıondyq ataqty ıelendi.
Ahmadı chempıondyq ataqqa jetý jolynda negizgi torda bes kezdesý ótkizdi. Ekinshi aınalymda ol Ózbekstan ókili Abdýrahmon Karımovty — 6:4, 6:2 esebimen jeńse, odan keıin slovakııalyq Domınık Matseıden — 6:4, 6:2 esebimen basym tústi.
Shırek fınalda qazaqstandyq tennısshi ýkraınalyq ıÝrıı Stolıarovty — 7:5, 6:4 esebimen jeńdi. Jartylaı fınalda Mahanov Týnıs ókili Skander Nsaırımen kezdesip, 6:2, 6:3 esebimen jeńiske jetti.
Osylaısha, Ahmadı Mahanov óz alańynda ótken týrnırdi jekeleı syndaǵy chempıondyq ataqpen aıaqtady.
Aıta keteıik, J300 sanatyndaǵy jarys Astanada World Tennis jasóspirimder týry aıasynda ótti. Týrnır 7 qyrkúıek aptasynda bastalyp, fınaldyq kezdesý 12 qyrkúıekte ótti.
Buǵan deıin Ahmadı Mahanov bıyl halyqaralyq arenada taǵy bir jetistikke qol jetkizip, Venada ótken J100 jasóspirimder týrnıriniń juptyq synynda jeńimpaz atanǵan bolatyn.
