Ahmadı Mahanov alǵash ret World Tennis J100 týrnıriniń chempıony atandy
ASTANA. KAZINFORM – Qazaqstandyq tennısshi Ahmadı Mahanov Aýstrııanyń Vena qalasynda ótip jatqan World Tennis J100 sanatyndaǵy halyqaralyq týrnırdiń jeńimpazy atandy.
Aýstrııa astanasyndaǵy grýnt tósenishinde ótip jatqan jarysta Mahanov juptyq synda jergilikti tennısshi Leander Taýbermen birge óner kórsetti. Qazaqstandyq-aýstrııalyq jup týrnırde tórtinshi nómirmen tirkeldi.
Fınalda Mahanov pen Taýber jarystyń ekinshi nómirli juby – norvegııalyq Pol Horteland pen Nıkolaı Shıbanıge qarsy oınady. Alǵashqy sette Norvegııa ókilderi 6:4 esebimen basym tústi. Alaıda ekinshi partııada Mahanov pen Taýber oıyn barysyn ózgertip, dál osyndaı eseppen jeńiske jetti — 6:4. Chempıondyq taı-breıkte qazaqstandyq-aýstrııalyq jup 10:5 esebimen jeńis tuǵyrynan kórindi.
QR Tennıs federatsııasy málimetinshe, kezdesýdiń qorytyndy esebi — 4:6, 6:4, 10:5.
Osylaısha, 15 jastaǵy Ahmadı Mahanov mansabynda alǵash ret World Tennis J100 deńgeıindegi týrnırdiń jeńimpazy atandy. Buǵan deıin qazaqstandyq tennısshi J60 sanatynda úsh ret — Chendý, Qaraǵandy jáne Ándijanda top jarǵan. Sondaı-aq Manamada ótken J30 týrnırlerinde eki ret chempıon atanǵan.
Aıta keteıik, Elena Rybakına Toronto týrnıriniń shırek fınalyna joldama aldy.
