AHQO jasandy ıntellektten keletin qaýip-qaterlerge saraptama jasaıtyn bolady

ASTANA. QazAqparat - «Astana» halyqaralyq qarjy ortalyǵynda (AHQO) bıyl shilde aıynda arnaıy platforma iske qosylady. Onda sheteldik ınvestorlar qandaı da bir bıýrokratııalyq kedergisiz bıznes júrgize alady. Bul týraly AHQO aqparattyq tehnologııalar departamentiniń dırektory Aare Lapynın málim etti, dep habarlaıdy QazAqparat.

«Biz bıznes júrgizý úshin «nóldik bıýrokratııa» qoǵamyn qalyptastyryp jatyrmyz. Ol 2018 jyldyń IV toqsanynda iske qosylady. Kásipker nemese ınvestor AHQO-ǵa kelgendegi maqsatymen aınalysady: kompanııa qurý, lıtsenzııa alý, salyq organdaryna esep berý jáne t.b. Munyń bári oǵan baıqalmaıdy. Investor úshin bul qoljetimdi jáne túsinikti qyzmetteri bar qarapaıym saıt bolmaq.  Al «sahna syrtynda» - tolyq ekojúıe», - dep málimdedi A.Lapynın SAP Forum Astana2018 aıasynda.

Onyń aıtýynsha, «nóldik bıýrokratııa» ortasy bıznes júrgizýdi tsıfrlandyrýdyń ozyq tájirıbesine negizdelgen jáne ınvestorlarǵa qaǵaz isterge alańdamaýyna múmkindik beredi.

AHQO Chief Digital Officer Ásel Janasovanyń (Jıenbaeva) aıtýynsha, AHQO-da «nóldik bıýrokratııa» tujyrymynan bólek, Arbıtraj ortalyǵy, Sot, qarjy retteýishi qyzmetterin tsıfrlandyrý boıynsha jobalar júzege asyp jatyr.

Sondaı-aq, ol AHQO-nyń jasandy ıntellektten keletin  qaýip-qaterlerdi boljaı alatyndyǵyn atap ótti.

AHQO-da kompanııada satyp alý protsesin tolyqtaı avtomattandyratyn SAP Ariba júıesin engizý jumystary júrip jatyr. Bul - barlyq satyp alýlardy bir formatqa keltirip qana qoımaı, adamı resýrstardy, qyzmetkerlerdiń ýaqytyn únemdeýge múmkindik beredi.