AHQO valıýtalyq retteý jónindegi aktisi 1 jeltoqsanda kúshine enedi
«Qarjy naryǵyn odan ári damytý men el ekonomıkasyn damytýǵa syrtqy ınvestıtsııalardy tartý úshin «Astana» halyqaralyq qarjy ortalyǵy qatysýshylarynyń Qazaqstannyń qarjy naryǵyna qol jetkizý múmkindigi artady. Qarjy ortalyqtary jumysynyń tabysty halyqaralyq tájirıbesin eskere otyryp, bıyl 10 qarashada Ulttyq Bank pen agenttiktiń tikeleı qatysýymen ázirlengen «Astana» halyqaralyq qarjy ortalyǵynyń valıýtalyq retteý jónindegi aktisi qabyldandy. Akt bıylǵy
1 jeltoqsannan bastap kúshine enedi», - dedi E. Dosaev.
Onyń aıtýynsha, Qazaqstan naryǵynyń qarjylyq turaqtylyǵyn qamtamasyz etý eskerilip, elimizdiń búkil aýmaǵynda «Astana» halyqaralyq qarjy ortalyǵynyń alańynan kórsetiletin qarjylyq qyzmetter tizbesi aıqyndaldy.
«Bul qadam Astana halyqaralyq qarjy ortalyǵyna sheteldik ınvestıtsııalardy tartýdyń negizgi alańy retinde qarjy ortalyǵynyń áleýetin tolyǵymen iske asyrýǵa múmkindik beredi, qarjy naryǵynyń damýyna yqpal etedi jáne ekonomıkanyń ósýine qoldaý kórsetedi», - dedi E. Dosaev.
Buǵan deıin Erbolat Dosaev Tsıfrlyq teńge» pılottyq jobasy týraly baıandaǵan edi.