AHQO Soty jáne Halyqaralyq tórelik ortalyǵy reseılik tórelik ınstıtýttarmen yntymaqtastyq jasasty
Máskeýde AHQO Sot apparatynyń jáne HTO-nyń tirkeýshisi jáne basshysy búkil Reseı boıynsha zań fırmalaryn, tájirıbeshi zańgerler men akademıkterdi biriktiretin Reseı tórelik qaýymdastyǵymen (budan ári – «RTQ») memorandýmdarǵa qol qoıdy.
Buǵan deıin AHQO soty jáne HTO Reseıde kásibı jáne táýelsiz tórelikti damytatyn jáne ilgeriletetin Reseı zamanaýı tórelik ınstıtýtymen yntymaqtastyq týraly memorandýmdarǵa qol qoıǵan bolatyn.
«Joǵaryda atalǵan qujattar Reseıdiń zań jáne tórelik qoǵamdastyqtary arasynda AHQO soty men HTO-nyń yntymaqtastyǵyn jáne óńirlik tanylýyn keńeıtedi, sondaı-aq óńirdegi kommertsııalyq daýlardy sheshý jónindegi jetekshi alań retinde eki organnyń bedelin kúsheıtedi. Quqyqtyq bilim berý jáne kásiptik oqytý, zertteý bastamalary salasynda birlesken jobalardy uıymdastyrý, sondaı-aq birlesken aqparattyq kampanııalar AHQO soty men HTO-nyń reseılik seriktesterimen yntymaqtastyǵynyń negizgi baǵyttary bolady», delingen habarlamada.
Qol qoıý protsesi Máskeýdegi arnaıy bıznes-tańǵy as sheńberinde ótti, oǵan RTQ músheleri, sondaı-aq zań fırmalary men korporatıvtik sektor ókilderi qatysty. Іs-shara barysynda qonaqtar óńirdegi tórelik jáne sot isin júrgizý úshin jańa baǵyt retinde AHQO Soty men HTO qyzmetiniń erekshelikterimen tanysty.
«AHQO-daǵy daýlardy sheshý úshin bizdiń alańymyz búkil óńir úshin ashyq. Biz reseılik áriptesterimizdi moıyndaýǵa jáne olarman yntymaqtastyq jasaýǵa qýanyshtymyz. Biz bul yntymaqtastyq kommertsııalyq jáne ınvestıtsııalyq daýlardy sheshý úshin dástúrli sot isin júrgizýdiń ekonomıkalyq tıimdi balamasy retinde tórelik qyzmetimizdi ilgeriletýge jáne damytýǵa kómektesetinine senimdimiz», - dep túsinikteme berdi AHQO Sot apparatynyń jáne HTO-nyń tirkeýshisi jáne basshysy Krıstofer Kempbell-Holt.
«Qazaqstanda jasalǵan nárse meni tań qaldyrýda. HAO jáne AHQO Sotynyń qurylýy – memlekettiń álemdik deńgeıdegi sot jáne tórelik ınstıtýttaryn qurý jolmen sheteldik ınvestıtsııalardy tartýy boıynsha burynǵy Keńes odaǵy aýmaǵyndaǵy keremet úlgi bolyp tabylady», - dedi RTQ Basqarma tóraǵasy Vladımır Hvaleı.
Aıta keterligi, «Astana» halyqaralyq qarjy ortalyǵy Qazaqstan Respýblıkasynyń Tuńǵysh Prezıdenti Nursultan Nazarbaevtyń bastamasymen quryldy. AHQO qurý týraly konstıtýtsııalyq zańǵa 2015 jylǵy 7 jeltoqsanda qol qoıyldy. AHQO maqsaty – halyqaralyq deńgeıdegi qarjylyq qyzmetterdiń jetekshi ortalyǵyn qalyptastyrý.
AHQO mindetteri el ekonomıkasyna ınvestıtsııalar tartýǵa járdemdesý, qarjylyq qyzmet kórsetý salasynda ınvestıtsııalaý úshin tartymdy orta qurý, Qazaqstan Respýblıkasynyń baǵaly qaǵazdar naryǵyn damytý jáne onyń halyqaralyq kapıtal naryqtarymen ıntegratsııalanýyn qamtamasyz etý bolyp tabylady.
AHQO Soty táýelsiz organ jáne Anglııa men Ýelstiń jalpy quqyǵy qaǵıdattaryna jáne jetekshi halyqaralyq qarjy ortalyqtarynyń standarttaryna negizdelgen.
AHQO Soty birinshi satydaǵy sottan jáne apellıatsııalyq sottan turady. Kúrdeligi men somasy boıynsha bolmashy daýlardy jedel sheshýdi qamtamasyz etý úshin birinshi satydaǵy sotqa bolmashy daýlar soty kiredi.
AHQO soty ákimshilik jáne qylmystyq sot isin júrgizbeıdi jáne qatysýshylar, AHQO organdary arasyndaǵy daýlardy, sondaı-aq AHQO quqyǵyna sáıkes AHQO-da júzege asyrylǵan operatsııalar boıynsha daýlardy sheshýdi qamtamasyz etý úshin erekshe ıýrısdıktsııaǵa ıe. Sonymen qatar, AHQO Soty taraptardyń kelisimi boıynsha AHQO Sotyna berilgen daýlardy qaraı alady www.aifc-court.kz
AHQO Halyqaralyq tórelik ortalyǵy (HTO) táýelsiz organ jáne Anglııa men Ýelstiń jalpy quqyǵy qaǵıdattaryna jáne jetekshi halyqaralyq qarjy ortalyqtarynyń standarttaryna negizdelgen. HTO tóreshileriniń quramyna jer qoınaýyn paıdalaný, saýda, munaı-gaz sektory, qurylys, energetıka, Islam qarjylary, bankıng, zııatkerlik quqyq, kommertsııalyq jáne azamattyq quqyqtyń basqa da salalaryndaǵy tórelik boıynsha kóp jyldyq tájirıbesi bar jetekshi halyqaralyq tóreshiler kiredi.
Al, Reseı tórelik qaýymdastyǵy (RTQ) 2013 jylǵy sáýirde Máskeýde quryldy jáne zań fırmalarynyń, tájirıbeshi zańgerler men ǵylymı qoǵamdastyq ókilderiniń teń quqyly músheligi negizinde áreket etedi. Múshelik nysandarynyń ártúrliligine baılanysty Qaýymdastyq kommertsııalyq daýlardy balamaly sheshý salasymen baılanysty qatysýshylardyń keń aýqymynyń múddelerin bildiredi. Qaýymdastyqtyń negizgi maqsattary Reseı men TMD elderinde aralyq sottar men halyqaralyq kommertsııalyq tórelikterdi damytýǵa járdemdesý, Reseıdi tórelik orny retinde tanytý, ulttyq jáne halyqaralyq deńgeıde reseılik tóreshilerdi jyljytý, sondaı-aq daýlardy balamaly sheshý máselelerinde reseılik zańgerlerdiń quzyrettilik deńgeıin arttyrý bolyp tabylady. RTQ ıÝNSITRAL-dyń (BUU Halyqaralyq saýda quqyǵy jónindegi komıssııasynyń) eki jumys tobynda daýlardy sheshý jáne halyqaralyq ınvestıtsııalyq daýlar boıynsha baqylaýshy bolyp tabylady.
