AHQO Soty men Halyqaralyq tórelik ortalyǵy shaǵymdar men sot otyrysyn onlaın rejımde júrgizedi

NUR-SULTAN. QazAqparat - AHQO Soty men Halyqaralyq tórelik ortalyǵy sot tóreligine qol jetimdilikti ınternet arqyly qamtamasyz etedi, dep habarlaıdy QazAqparat.

AHQO Soty men Halyqaralyq tórelik ortalyǵy COVID-19 koronavırýs pandemııasyna baılanysty kúrt ózgerip jatqan jaǵdaıdy muqııat qadaǵalap otyrady. Eki organ daýlardy sheshý qyzmetterine kedergisiz qol jetkizý jáne paıdalanýshylar men qyzmetkerlerdiń densaýlyǵy men qaýipsizdigin saqtaý úshin kerekti sharalar qabyldady.

«Úkimettiń qaýlysyna sáıkes biz qoldanýshylarymyzǵa daýlardy sheshýdiń barlyq onlaın-qyzmetterin aqysyz usynýdy jalǵastyrýdamyz. AHQO Soty men HTO-ǵa shaǵymdardy eki organnyń resmı saıttarynda siltemeleri bar eJustice elektrondyq ádilet júıesi arqyly onlaın rejıminde berýge bolady. Biz daýlardy aýdıo jáne vıdeo tehnologııasyn qoldana otyryp, elektrondy qujat almasý arqyly sheshe alamyz. Daý taraptary sot tóreligine qol jetkizý úshin úılerinen nemese keńselerinen shyǵýdyń qajeti joq. Búgingi tańda HTO medıatsııa erejelerin qoldana otyryp 57 medıatsııa protsesi júzege asyryldy. HTO sonymen qatar eki arbıtrajdyq shaǵymdy qarastyrýda. AHQO Soty óz kezeginde bir isti qarastyrdy», delingen habarlamada.

Sot tóreligin onlaın rejıminde qamtamasyz etý úshin qabyldaǵan sharalarǵa qosymsha, jaqyn arada AHQO Sot jáne HTO-nyń onlaın vebınarlary iske qosylady.

«Olar zań jáne bıznes qaýymdastyqtarǵaAHQO Soty men HTO jumysy týraly jáne quqyqtyq taqyryptardy talqylaý, sondaı-aq COVID-19 koronavırýsyna qatysty máseleler maqsatynda jarııalanady.

AHQO Soty men HTO kommertsııalyq daýlardy «bir tereze» negizinde sheshýge arnalǵan barlyq qyzmet túrlerin usynady. Eki organ da Qazaqstan Respýblıkasynyń sot júıesinen táýelsiz jáne AHQO-daǵy azamattyq jáne kommertsııalyq daýlardy, sondaı-aq taraptar AHQO Soty men HTO-nyń ıýrısdıktsııasyn qoldanýǵa kelisim bergen daýlardy sheshýdiń joǵary halyqaralyq standarttaryna sáıkes jumys isteıdi. AHQO Soty jáne HTO-nyń sýdıalary, arbıtrlary, deldaldar, protsedýralar, praktıka jáne standarttar álemniń iri qarjy ortalyqtarynda jumys isteıtin kompanııalarǵa tanymal.

«Biz COVID-19 koronavırýsymen baılanysty jaǵdaıdyń damýyn muqııat qadaǵalaımyz jáne AHQO Soty men HTO júıesiniń tıimdi jumys isteýin qamtamasyz etý úshin barlyq qajetti sharalardy qoldanamyz. Qazirgi ýaqytta AHQO Soty men HTO barlyq shaǵymdar men sot otyrystaryn, taraptardyń úılerinen shyǵyp, densaýlyǵyna qaýip tóndirmesten, onlaın rejıminde júzege asyraıdy. Investorlar men kásipkerler ózderiniń daýlary AHQO Soty men HTO-da onlaın rejıminde, zańdylyqtyń joǵary standarttaryn qoldana otyryp, únemdi jáne ýaqtyly sheshiletinine senimdi bola alady», - dedi AHQO Soty jáne HTO tirkeýshisi jáne apparat basshysy Krıstofer Kempbell-Holt.

Shaǵym berý máseleleri boıynsha keńes alý úshin [e-mail]áne [e-mail] habarlasý kerek.