AHQO-nyń 8 qyzmetkeri Prezıdenttik jastar kadr rezervine endi
Alty irikteý kezeńinde Qazaqstannyń túkpir-túkpirinen 13 myń úmitkerdiń ishinen 300 jas maman irikteldi. Іrikteýdiń nátıjesi boıynsha AHQO-nyń eki qyzmetkeri: AHQO Bırjasy AIX Qarjy jónindegi dırektory Renat Bekturov pen «AHQO Ákimshiligi» Basqarma tóraǵasynyń orynbasary Ernur Rysmaǵambetov eń joǵary upaı jınap, 1 jáne 2 oryndardy ıelendi. Prezıdenttiń jastar kadrlyq rezervine AHQO-dan barlyǵy 8 qyzmetker endi. Olardyń qatarynda: Narıman Álibaev, Nurlan Taıǵanov, Ardaq Jumaǵalıev, Ásııa Káribaı, Іlııas Shanbaev jáne Nursultan Serikbaı bar.
Buǵan qosa Tsıfrlyq tehnologııalar jónindegi Basqarýshy dırektor Ásel Janasova 2019 jylǵy «100 Jańa esim» baıqaýynyń jeńimpazdarynyń biri atandy.
Qazaqstannyń Tuńǵysh Prezıdenti – Elbasy Nursultan Nazarbaevtyń bastamasymen qurylǵan AHQO eldegi adam kapıtalynyń sapasyn arttyrý boıynsha jumys isteıdi. Qarjylyq qyzmet kórsetý salasynda saýatty mamandardy daıyndaý jáne ósirý - qarjy ortalyǵynyń mańyzdy mindetteriniń biri. Osy maqsattar úshin AHQO qurylymynda Úzdiksiz kásibı damý Bıýrosy jumys isteıdi.
Búgingi kúni AHQO-da tirkelgen kompanııalar úshin mamandar kadrlyq rezervi 10 000 adamǵa jetti. 2019 jyly Bıýro bazasynda 2642 maman qaıta daıarlaýdan ótti.
