AHQO men Tatarstan halal ındýstrııasyna qatysty aqparat almasýǵa kelisti
ASTANA. QazAqparat - "Astana" halyqaralyq qarjy ortalyǵy men Tatarstan Respýblıkasynyń Investıtsııalyq damý agenttigi ózara túsinistik jáne yntymaqtastyq týraly kelisimge keldi. Qujat Astana Finance Days aıasynda rásimdeldi, dep habarlaıdy QazAqparat tilshisi.
Kelisimge AHQO basqarýshysy Qaırat Kelimbetov pen agenttik basshysy Talııa Mınýllına qol qoıdy.
Taratylǵan málimetke sáıkes, kelisimniń maqsaty yntymaqtastyqty keńeıtý jáne nyǵaıtý, sonymen qatar ınvestıtsııalyq ortany, ınvestıtsııalyq tartymdylyqty arttyrý, ıslam qarjy salasyn, halal ındýstrııasy men adam kapıtalyn damytý sııaqty ınvestıtsııa tartýǵa qatysy bar taqyryptar boıynsha aqparat almasý bolyp tabylady.
Taraptar strategııalyq qyzmet salalarynda ózara konsýltatsııalyq qoldaý kórsetýge, aqparat almasýǵa, saraptamalyq pikirler men tájirıbe almasýǵa, birlesken jobalarǵa qatysýǵa nıetti ekendikterin bildiredi.
