AHQO men Islam qarjylandyrý keńesi ınvestorlardy qorǵaý standarttaryn ázirleýde
NUR-SULTAN. QazAqparat – «Astana» halyqaralyq qarjy ortalyǵy men IFSB (Islam qarjylandyrý qyzmeti keńesi) ınvestorlardy qorǵaý standarttaryn ázirleýde. Bul týraly elordada tilshilerge IFSB bas hatshysy, doktor Bello Laval Danbatta málim etti, dep habarlaıdy QazAqparat tilshisi.
«Investorlardy qorǵaý sharalaryna toqtalsaq, AHQO-men birlese bul standarttardy ázirleýdemiz. Al ekinshi jumys toby saqtandyrýǵa qatysty sharalardy pysyqtaýda. Halyqaralyq saqtandyrý uıymymen birlese qandaı standarttardy birlesip ázirleý kerektigin qarastyrýdamyz. Atap aıtqanda, bizge qolaıly alańdy usynyp otyrǵan «Astana» halyqaralyq qarjy ortalyǵyna alǵys aıtamyz. AHQO osyndaı mańyzdy sharalarǵa osyǵan deıin de uıymdastyryp keldi», - Bello Laval Danbatta.
IFSB - Islam qarjylandyrýy ınstıtýttarynyń tıimdi qadaǵalanýy men retteýi boıynsha talaptardy daıyndaıtyn halyqaralyq organ.
AHQO 2017 jyldan beri IFSB-nyń turaqty ókili. Bul uıymnyń ókili bolý ıslam qarjylandyrýy ınstıtýttarynyń biregeı talaptaryn daıyndaý kezinde tıimdi járdemdestik tanytýǵa kómektesedi.
Budan buryn habarlanǵandaı, elordada Islam qarjylandyrý qyzmeti keńesiniń (Islamic Financial Services Board - IFSB) aptalyǵy ótip jatyr.
Sonymen qatar, IFSB (Islam qarjylandyrý qyzmeti keńesi) Bas hatshysy Qazaqstanda ıslamdyq saqtandyrý naryǵyn damytý qajettigin atap ótti.
