AHQO men EEK birlesken is-sharalar josparyna qol qoıdy

ShOLPAN-ATA. QazAqparat - Búgin Eýrazııalyq ekonomıkalyq odaq (EAEO) premer-mınıstrleriniń qatysýymen ótken Eýrazııalyq úkimetaralyq keńestiń jıylysynda EAEO qatysýshylarynyń yntymaqtastyǵyn keńeıtý jáne damytý úshin AHQO múmkindikterin paıdalaný máseleleri talqylandy, dep habarlaıdy QazAqparat.

«Astana» halyqaralyq qarjy ortalyǵynyń Basqarýshysy (AHQO) Q. Kelimbetov jáne Eýrazııalyq ekonomıkalyq komıssııanyń (EEK) ekonomıka jáne qarjy saıasaty boıynsha alqa múshesi (Mınıstr)
T. Jaqsylyqov AHQO men EEK arasyndaǵy 2019-2021 jyldarǵa arnalǵan birlesken is-sharalar josparyna qol qoıdy.

Jospar qarjy naryqtaryn retteý, qarjy qyzmetterin tutynýshylar men ınvestorlardyń quqyqtary men múddelerin qorǵaý, qarjy tehnologııalaryn damytý jónindegi yntymaqtastyq sharalaryn kózdeıdi.

Qarjy naryqtaryn damytý boıynsha ózara is-qımyl sheńberinde ınnovatsııalyq qarjy ónimderi men qyzmetterdi testileý jáne óńdeý úshin EAEO-da rettegish «alań» qurý boıynsha is-sharalar josparlanǵan.

Іs-sharalar josparyn tabysty iske asyrý AHQO-nyń EAEO qatysýshy elderimen jáne Eýrazııalyq komıssııamen aradaǵy yntymaqtastyqty tereńdetip, AHQO-nyń Eýrazııanyń qarjylyq «haby» retinde qalyptasýyn kezeń-kezeńmen júzege asyrýǵa múmkindik beredi dep josparlanýda.

Aıta ketken jón, AHQO «Astana» halyqaralyq qarjy ortalyǵy (AHQO) Qazaqstan Respýblıkasynyń Tuńǵysh Prezıdenti Nursultan Nazarbaevtyń bastamasymen qurylǵan. AHQO qurý týraly Konstıtýtsııalyq zańǵa 2015 jylǵy 7 jeltoqsanda qol qoıyldy. AHQO maqsaty-halyqaralyq deńgeıdegi qarjylyq qyzmetterdiń jetekshi ortalyǵyn qalyptastyrý. AHQO-nyń mindetteri el ekonomıkasyna ınvestıtsııalar tartýǵa járdemdesý, qarjylyq qyzmet kórsetý salasynda ınvestıtsııalaý úshin tartymdy orta qurý, Qazaqstan Respýblıkasynyń Baǵaly qaǵazdar naryǵyn damytý jáne onyń halyqaralyq kapıtal naryqtarymen ıntegratsııalanýyn qamtamasyz etý bolyp tabylady. www.aifc.kz

EEK. Eýrazııalyq ekonomıkalyq odaqtyń (EAEO) (budan buryn — Keden odaǵy (KO) jáne Birtutas ekonomıkalyq keńistiktiń (BEK) turaqty jumys isteıtin ult ústi retteýshi organy. Reseı Federatsııasy, Belarýs Respýblıkasy jáne Qazaqstan Respýblıkasy prezıdentteriniń sheshimimen qurylǵan jáne 2011 jylǵy 18 qarashadaǵy «Eýrazııalyq ekonomıkalyq komıssııa týraly» jáne «Eýrazııalyq ekonomıkalyq komıssııanyń jumys reglamenti týraly» sharttar negizinde jumys isteıdi. Jumys isteı bastaǵan kún-2012 jylǵy 2 aqpanda Joǵary Eýrazııalyq ekonomıkalyq keńeske (JEEK) baǵynatyn ulttyqtan joǵary basqarý organy mártebesine ıe.

https://www.eurasiancommission.org/