AHQO krıptovalıýta men blokcheın salalaryn belsendi damytpaq
ASTANA. QazAqparat - «Astana» halyqaralyq qarjy ortalyǵy (AHQO) men blokcheınderge arnalǵan izdestirý-taldaý júıesi Blockchair yntymaqtastyqty damytý boıynsha memorandýmǵa qol qoıdy, dep habarlaıdy ortalyqtyń baspasóz qyzmeti.
Qujatqa «Astana» halyqaralyq qarjy ortalyǵy ákimshiligi» AQ basqarma tóraǵasy Nurlan Qusaıynov jáne Blockchair negizin qalaýshylar Nıkıta Javoronkov pen Edige Davletgalıev qol qoıdy.
Memorandýmǵa sáıkes AHQO men Blockchair krıptovalıýta men blokcheın tehnologııalar salasynda yntymaqtaspaq, sonymen qatar Blockchair AHQO-nyń fınteh ekojúıesi men Qazastannyń qolma-qol aqshasyz esep aıyrysý ekonomıkasyn damytýdy qoldamaq.
«Astana» halyqaralyq qarjy ortalyǵy ákimshiligi» AQ basqarma tóraǵasy Nurlan Qusaıynov AHQO aımaǵynda arnaıy quqyqtyq rejım jumys isteıdi, al qarjy ortalyǵy basymdyqtarynyń biri Blockchair sekildi blokcheın júıesiniń damýynda tájirbıesi bar kompanııalarmen yntymaqtasý ekendigin aıtty.
«Biz Blockchair kompanııasymen júmys isteıtinimizge qýanyshtymyz, kompanııa bizge blokcheın-tehnolgııalar, krıptovalıýtalar jáne ózge de krıptojobalardy paıdalaný úshin fınteh ekojúıesin engizýge kómektesedi», - dedi N.Qusaıynov.
«Astana» halyqaralyq qarjy ortalyǵy álemdik úzdik qarjy ortalyqtarymen yntymaqtasyp jumys isteıtin mańyzdy alań. Blockchair AHQO-ǵa Qazaqstandaǵy dástúrli qarjydan krıptovqarjyǵa ótý úshin senimdi eýrazııalyq kópir qurýǵa kómektesetinin maqtan tutady»,-dedi Blockchair negizin quraýshy Nıkıta Javoronkov.
Taraptar AHQO men Blockchair arasyndaǵy júıeli kommýnıkatsııa Qazaqstandaǵy qarjy tehnologııalary naryǵynyń damýy úshin sapaly ınfraqurylym men jaǵymdy jaǵdaı túzýge áser etetinin aıtty.
AHQO TMD men Ortalyq Azııanyń mańyzdy fınteh haby bolý, sol arqyly qarjy tehnologııalary salasyna kóbirek ınvesttsıııa tartýdy josparlap otyr.
