AHQO qarjy quraldaryn damytýdaǵy Qytaıdyń tájirıbesine qyzyǵýshylyq tanytýda
ASTANA. QazAqparat - «Astana» halyqaralyq qarjy ortalyǵynyń (AHQO) basqarýshysy Qaırat Kelimbetov «Jumore» kompanııasynyń prezıdenti Lý Hýnsıanmen kezdesti, dep habarlaıdy AHQO-nyń baspasóz qyzmeti.
«Jumore» kompanııasy álemniń jetekshi transshekaralyq elektrondy saýda alańy bolyp tabylady.
AHQO úshin qytaılyq áriptesterdiń qarjy tehnologııalary men qarjy quraldary boıynsha tájirıbesi mańyzdy.
Atap ótken jón, bul kompanııa álemniń 130-dan astam elimen, onyń ishinde G20 elderi jáne «Jibek jolynyń ekonomıkalyq beldigi» boıyndaǵy memlekettermen yntymaqtasyp, jumys isteıdi.
«Astanada qurylǵan Halyqaralyq qarjy ortalyǵyna jańa qarjylyq tehnologııalar men osy aımaqta jumys isteıtin ınvestorlardy tartý óte mańyzdy», - dedi Qaırat Kelimbetov.
«Jumore» kompanııasynyń prezıdenti Lý Hýnsıannyń aıtýynsha, Jibek jolynda ornalasqan elderdiń naryǵy kompanııaǵa qyzyǵýshylyq týdyrýda. «Biz qarjy tehnologııalary naryǵynda bilim men tájirbıe almasýǵa múddelimiz», - dedi «Jumore» basshysy.
AHQO men «Jumore» 2016 jyly eki ortalyqtyń qol qoıǵan memorandýmy aıasynda birlesip jumys jasaıdy. 
