AHQO-ǵa qansha kompanııa tirkeldi
ASTANA. QazAqparat - «Astana» halyqaralyq qarjy ortalyǵyna 2020 jylǵa deıin 500-den astam kompanııa tirkeledi. Bul týraly búgin Astana Finance Days aıasynda BAQ ókilderine suhbat bergen AHQO-nyń basqarýshysy Qaırat Kelimbetov aıtty, dep habarlaıdy QazAqparat tilshisi.
«Aǵymdaǵy jyly shamamen 100 kompanııa tirkeledi dep josparlanǵan edik. 1 shildege deıin 50 kompanııa tirkelip úlgerdi. Olardyń arasyndaǵy eń tanymaly Qytaı damý bankiniń ókildigi bolsa kerek. Ulybrıtanııa, Taıland syndy elderdiń qarjylyq tehnologııa salasyndaǵy kóptegen kompanııasy tirkelip úlgerdi», - dedi ol.
Onyń dereginshe, aǵymdaǵy jyldyń sońyna deıin 100-ge jýyq kompanııa tirkeledi. Al 2020 jyly olardyń sany 500-den asyp jyǵylýy tıis.
«Aldyn ala nátıjeler osyndaı. Osy ýaqyttyń ishinde AHQO-nyń 47 ishki zańy daıyndalǵanyn bilesizder. Daıyndyq kezeńi aıaqtaldy dep esepteımiz jáne alda kóptegen oqıǵalar kútip tur. Úkimet pen «Samuryq-Qazyna» qory birlesip, jekeshelendirýge daıyndalyp jatyr. Olardyń arasynda «Qazaqtelekom» men «Qazatomónerkásip» syndy iri kompanııalar bar. ıAǵnı, taıaý alty aıdyń ishinde atalǵan kompanııadar ІRO-ǵa shyǵady dep kútemiz. Sonymen qatar AHQO bırjasyna Qarjy mınıstrliginiń ishki qaryzdary, teńgemen shyǵarǵan oblıgatsııalary ornalastyratyndy dep oılaımyz», - dedi Qaırat Kelimbetov.
