AHQO delegatsııasy QHR-da boldy
BEIJІŃ-ShANHAI. QazAqparat - 2016 jyldyń 3 qarashadan bastap «Astana» halyqaralyq qarjylyq ortalyǵynyń delegatsııasy Qaırat Kelimbetovtiń basshylyǵymen Qytaı Halyq Respýblıkasy qarjylyq ınstıtýttarymen kelissózder júrgizý maqsatymen osy elge saparmen keldi, dep habarlaıdy «QazAqparat» HAA-nyń Qytaıdaǵy menshikti tilshisi.
AHQO delegatsııasy sonymen qatar «Hýnjý» qarjylyq bilim qory, Shanhaıdyń qarjy jáne quqyqtaný salasyndaǵy zertteý ınstıtýtymen, Shanhaı qalasyndaǵy Jańartylǵan Bretton-Výd komıtetimen uıymdastyrylǵan jyl saıynǵy «Learning Lessons as Retrospect and Prospect» konferentsııasyna qatysty.
Beıjiń qalasyna sapar barysynda Qytaıdyń halyqtyq saıası konsýltatıvtik keńesi tóraǵasynyń orynbasary - Jibek jolyn damytýdy josparlaý jónindegi zertteý ortalyǵynyń tóraǵasy Chen ıÝanmen kelissózder ótti. Zertteý ortalyǵy «Bir beldeý - bir jol» bastamasyn júzege asyrý aıasynda qurylǵan bolatyn. Kezdesýge sonymen qatar Qytaıdyń Memlekettik damý banki, Qytaıdyń qarjylyq damý qaýymdastyǵy jáne Jibek Joly qory sekildi qarjylyq uıymdardyń ókilderi qatysty.
Kelissózder barysynda taraptar lıtsenzııalaý, qarjylyq ortalyqtardyń normatıvtik-quqyqtyq bazasyn retteý men qalyptastyrý, sondaı-aq AHQO aýmaǵynda qyzmetin iske asyrý úshin QHR banktik mekemelerimen ózara is-qımyl jáne olardy tartý joldary talqylandy.
Munymen qosa, AHQO basqarýshysy «Jumore»kompanııasynyń prezıdenti Lý Hýnsıanmen kezdesip, qarjylyq tehnologııalar men ınstıtýttardy damytý taqyryptaryn qarastyrdy, sonymen birge eki eldiń qarjylyq mekemeleri arasynda ózara is-qımyldy ornatýǵa qoldaý jasaý úshin tuǵyrnama qurý salasynda tıimdi yntymaqtastyq máselesi sóz boldy. Kelissózder qorytyndysy boıynsha qarjylyq tehnologııalar naryǵyn damytý salasynda tájirıbe jáne bilim almasýdy iske asyrý maqsatynda, sondaı-aq tıisti zertteýler aıasynda baılanystardy nyǵaıtý baǵytynda taraptar Yntymaqtastyq týraly memorandýmǵa qol qoıdy.
Shanhaı qalasynda «Learning Lessons as Retrospect and Prospect» jyl saıynǵy konferentsııasyna qatysý aıasynda Q. Kelimbetov negizgi paneldik sessııalarda sóz sóıledi. Onda qytaılyq ekonomıkany damytý, uzaq merzimdi reformalar men qysqa merzimdi damý baǵdarlamalar arasyndaǵy shıelenister, Qytaı ekonomıkasy úshin qosymsha serpinder jáne basqa da máseleler keńinen talqylandy. 
Ózara qatynastardy ary qaraı óristetý boıynsha AHQO men Shanhaı qor bırjasy (ShQB) arasyndaǵy dıalog aıasynda ShQB prezıdenti Hýan Hýnıýanmen kezdesý ótti. Taraptar AHQO-nyń básekege qabiletti qor bırjasyn qurý baǵytynda birlese jumys isteýde. Osy rettegi sharalar óńir kapıtal naryǵyn damytýǵa jáne eki el arasyndaǵy strategııalyq seriktestik qatynastaryn nyǵaıtýǵa negizdelgen.
Budan bólek, AHQO delegatsııasy Elektrondy kommertsııanyń Hanchjoý ındýstrıaldy parkinde (Tehnopark) boldy, olarǵa kompanııanyń qyzmeti kórsetildi. Onyń aýmaǵynda jumys isteıtin Hangzhou Silver Box Baocheng Science and Technology, Ltd.», «Baozun Inc.», «Ningbo Qi Feng Communications», «HangzhouWeiba Information and Technology Co., Ltd.» kompanııalarynyń jumysymen tanysty. Atap aıtqanda, AHQO men Tehnopark arasyndaǵy kelisimder Yntymaqtastyq memorandýmymen bekitildi.
Esterińizge sala keteıik, 2015 jyldyń jeltoqsanynda QR Prezıdenti Nursultan Nazarbaev «Astana» halyqaralyq qarjy ortalyǵy týraly» Qazaqstan Respýblıkasynyń Konstıtýtsııalyq zańyna qol qoıdy. AHQO maqsaty halyqaralyq deńgeıdegi qarjylyq qyzmetterdiń aldyǵy qatarly ortalyǵyn qalyptastyrý bolyp tabylady. Postkeńestik keńistikte alǵash ret aǵylshyn quqyǵy ustanymdary engiziledi, qarjy ortalyǵynyń resmı tili aǵylshyn tili bolady. Ortalyqtyń maqsattarynda qarjy qyzmetteri salasynda ınvestıtsııalaý úshin tartymdy ortany qurý jolymen el ekonomıkasyna ınvestıtsııa tartýǵa járdemdesý, Qazaqstan Respýblıkasynyń qundy qaǵazdar naryǵyn damytý sekildi baǵyttar iske asyrylady.
JUMORE - qyzmet kórsetý men ónerkásiptik tizbektegi taýarlardyń barlyq sanattary úshin álemdegi alǵashqy transshekaralyq elektrondy saýda tuǵyrnamasy. Osy rette tuǵyrnamada qyzmetterdiń keń shoǵyry jáne taýarlardyń áralýandyǵy qamtylǵan.
JUMORE-de shıkizattyq materıaldardyń, metall ónimderi, energııa resýrstary, hımııa ónimderi, aýyl sharýashylyǵy taýarlary, ónerkásiptik jáne óndiristik, tutynýshylyq taýarlar, azyq-túlik ónimderin satyp alý jáne satý operatsııalary eskerilgen.
Hanchjoý elektrondyq kommertsııa ındýstrıaldy parki Hanchjoý elektrondy kommertsııa aımaǵy quramyna kiredi jáne «Bir beldeý, úsh park» modeli boıynsha damıdy. Birinshisi - Elektrondy kommertsııanyń shyǵys parki, ekinshisi - Hanchjoý elektrondyq kommertsııa ındýstrıaldy parki, al úshinshisi - Transshekaralyq saýda jáne elektrondy kommertsııanyń qytaılyq ındýstrıaldy parki.
