AHQO-daǵy tsıfrlyq aktıvtermen jasalǵan operatsııalar kólemi 6 aıda 5,5 mlrd dollarǵa jetti
ASTANA. KAZINFORM — Astana halyqaralyq qarjy ortalyǵyndaǵy tsıfrlyq aktıvtermen jasalǵan operatsııalar kólemi osy jyldyń 6 aıynda 5,5 mlrd dollarǵa jetti. Bul týraly Úkimet otyrysynda AHQO Qarjy qyzmetterin retteý komıteti Avtorızatsııalaý jáne qarjy tehnologııalary keńsesiniń basqarýshy dırektory Erkeǵalı Edenbaev aıtty.
Onyń málimetinshe, AHQO-daǵy tsıfrlyq aktıvter qyzmetteri provaıderleriniń lıtsenzııalanǵan ortadaǵy operatsııalarynyń kólemi 2023 jyly 320 mln AQSh dollary boldy. Al byltyr bul kórsetkish 10,5 mlrd AQSh dollaryna jetti.
— Osy jyldyń birinshi jartysynyń ishinde operatsııalar kólemi 5,5 mlrd AQSh dollaryna jetti. Osylaısha, qysqa ýaqyt ishinde retteletin naryq 3 esege ósti. Klıenttik baza da aıtarlyqtaı keńeıdi. Eger 2023 jyly klıentter sany 53 myń bolsa, búginde olardyń sany 270 myń adamǵa jetip, 400 paıyzǵa artty. Bul klıentterdiń retteletin ortaǵa seniminiń artqanyn kórsetedi, — dedi Erkeǵalı Edenbaev.
Aıta keteıik, Úkimet otyrysynda tsıfrlyq aktıvter salasyn damytý máseleleri talqylanyp jatyr.
