AHQO-da taǵlymdamadan ótip, sheteldik kompanııada qalaı jumys isteýge bolady

- Ernur, eń aldymen AHQO Bıýrosynyń qyzmeti jaıynda aıtyp berseńiz.

- Úzdiksiz kásibı damý bıýrosy AHQO komıteti Dırektorlar keńesiniń tóraǵasy Qaırat Kelimbetovtiń bastamasymen qarjy ortalyǵynyń eń birinshi qurylymdyq bólimshesi retinde  ashylǵan bolatyn. Onyń maqsaty - uzaqmerzimdi keleshekte qarjy ortalyǵynyń kadrlyq jáne mansaptyq máselelerde básekege qabilettiligin qalyptastyrý jáne qoldaý. Óıtkeni, adamı kapıtal kez kelgen tabysty uıym úshin negizgi resýrs jáne ósim núktesi sanalatyndyǵy belgili.

Bizdiń mindetimiz - qarjy naryǵynyń jergilikti mamandarynyń kadrlyq áleýetin damytýda halyqaralyq kásiptik sertıfıkatty dáripteý, AHQO-nyń ekojúıesinde jáne tysqary odan ary jumys isteý úshin halyqaralyq deńgeıdegi kásibı mamandardyń kadrlyq rezervin qurý.

Bizdiń qyzmetimizde ınvestıtsııalyq saýattylyqty ilgeriletýge aıryqsha nazar aýdarylǵan. Ol úshin taqyryptyq sharalar ótkizip turamyz. Máselen, qazirgi ýaqytta biz IOSCO - World Investor Week-2018 jahandyq jobasyna qatysyp jatyrmyz. AHQO tirkeýshisi - AFSA (Astana Financial Services Authority) qoldaýymen IOSCO halyqaralyq ınvestorlar aptalyǵy aıasynda Atyraý, Qaraǵandy, Shymkent, Qostanaı, Óskemen, Almaty qalalarynda sharalar, sonymen qatar elordada 6 qazanda Investorlar kúni, 7 qazanda Islamdyq qarjylandyrý aptalyǵy ótedi.

Bul bastama qazaqstandyq 15 ýnıversıtet pen 5 mekteptiń bazasynda stýdetnterge arnalǵan aqparattyq sessııalar toptamasyn, kásiptik naryq úshin tájirıbelik sheberlik-sabaqtaryn, AHQO qyzmetiniń negizgi baǵyttarynyń jáne akademııalyq jáne iskerlik toptar úshin Bıýronyń halyqaralyq sertıfıkat baǵdarlamasynyń tusaýkeserin qamtıdy. AHQO bıýrosynyń delegatsııasy qazirdiń ózinde AlmaU, QazUÝ, Narxoz, KIMEP, SDÝ, UIB, QBTÝ ýnıversıtetterinde bolyp, rektorlarmen jáne stýdenttermen kezdesýler ótkizdi.

World Investor Week -  bul IOSCO-men seriktestikte ınvestıtsııalyq saýattylyqty qalaı arttyrýǵa bolatyndyǵy jaıly mańyzdy bastamamen sóz sóıleýge berilgen tamasha múmkinshilik. Halyqaralyq ınvestorlar aptalyǵy AHQO ekojúıesindegi áleýetti qatysýshylar men seriktester úshin qarjy ortalyǵy qyzmetiniń negizgi baǵyttary boıynsha basty bastamalaryn damytýǵa tyń serpin beredi.

- AHQO mısııasy nede dep oılaısyz?

- Bıýro halyqaralyq tájirıbeni jergilikti danalyqpen toptastyra otyryp, halyqaralyq standarttarǵa, jumys berýshiler men kásiptik naryq qatysýshylarynyń shynaıy qajettiligine qaraı naryq pen akademııalyq álemdi burýǵa basa nazar aýdarady. Ol úshin barlyq jaǵdaı jasalǵan. Kadrlyq rezervti qurýmen AHQO-nyń Mansap ortalyǵy, al sertıfıkattaý men kadrlardy daıyndaýmen Bıýro aınalysady. Ákimshilik pen Business development office bolashaqtaǵy 500 halyqaralyq qatysýshy úshin ekojúıe qurýda. Búgingi kúni 70 kompanııa tirkelgen. Olardyń qatarynda ıslamdyq jáne kommertsııalyq bankter, halyqaralyq zańgerlik fırmalar, brokerler, konsaltıngtik jáne ІT-kompanııalar bar.

Bıýro qazirdiń ózinlde ACCA, FRM, CFA, HRCI, CEDR baǵdarlamalar, sonymen qatar ıslamdyq qarjylandyrý, sondaı-aq  AHQO qyzmetiniń negizgi baǵyttary boıynsha 500-den astam mamanyn qaıta daıyndyqtan ótkizdi. Jalpy, Bıýro óz kúshimen 2 myń, jergilikti jáne halyqaralyq seriktestermen birge taǵy 3 myń kásibı mamandy daıyndyqtan ótkizýdi maqsat etip otyr. Osynaý 5 myń kásibı maman AHQO-nyń kadrlyq rezervine alynady jáne tek qana AHQO Ákimshiligi men organdarynda ǵana emes qarjy ortalyǵynyń ekojúıesine tirkelgen sheteldik kompanııalarǵa jumysqa ornalasatyn bolady.

- Kadrlyq rezervke qalaı kirýge bolady?

- Eger siz Mansap ortalyǵynyń pýlyna engińiz kelse, onda túıindemeńizdi cc@aifc.edu.kz mekenjaıyna jiberińiz. Bul AHQO-ǵa jáne tirkelgen rezıdent-kompanııalarǵa jumysqa ornalasýdyń jalǵyz ǵana joly.

Ol úshin Bıýro atalǵan kandıdattardy oqytady jáne halyqaralyq kompanııalarda talap etiletin qosymsha daǵdylar men sertıfıkattardy beredi. Bıýro halyqaralyq qarjy ortalyǵynyń qatysýymen óńirlerde óziniń jobasyna 50 myń adamdy qamtý jáne 5 myń mamandy daıyndaý úshin 50 jattyqtyrýshyny oqytýdy josparlap otyr.  Kýrs «stýdentteriniń» jasy mańyzdy emes - olar jastarmen qatar sertıfıkat alyp, mansap jolynda jańa belesti baǵyndyrǵysy keletin, uzaq jylǵy jumys ótili bar mamandar da bola alady.. Mańyzdy shart - oqýy men logıkalyq oılaı bilýi. Bıýro stýdentteriniń ortasha jasy - 25-35 jasty quraıdy.

Álem únemi ózgerip otyrady. Qazir jumys berýshiler óte belsendi qyzmetkerlerdi, qysqa ǵana ýaqyttyń ishinde birdeńeni oqyp, joǵary nátıje kórsete alatyn mamandardy qajet etedi.

Mundaı aýqymdy maqsattar úshin Bıýro dál osyndaı kýrstardy derbes ótkize alatyn júzge jýyq seriktesti oqytý protsesine qosý arqyly AHQO tóńireginde kásibı damý ındýstrııasyn qurýdy josparlap otyr. AHQO qazirdiń ózinde Astanadaǵy QazMZÝ, Nazarbaev Ýnıversıteti, Eýrazııa ulttyq ýnıversıteti, Qarjy mınıstrligi janyndaǵy Qarjy akademııasy sııaqty joǵary oqý oryndarmen tyǵyz yntymaqtastyqta. Al Almaty qalasynda Suleyman Demirel University, QBTÝ, Narxoz ben Halyqaralyq bıznes ýnıversıtetteri (UIB) bar. QazMZÝ ýnıversıteti qazirdiń ózinde AHQO-men birge óz baǵdarlamasyna 3-4 mamandyq engizse, UIB ýnıversıteti qarjy boıynsha magıstratýra baǵdarlamasyn iske qosty.

TMD aýmaǵynda jáne búkil álemde adam kapıtalyn damytýdyń mundaı modeli múldem joq. AHQO Bıýrosy Dýbaı men Ábý-Dabı halyqaralyq qarjy ortalyqtary úshin úlgige aınalyp otyr. Olar taıaýda ǵana dál osyndaı ınstıtýt ashqan bolatyn. Óz kezeginde AHQO Sıngapýr qarjy ortalyǵynyń tájirıbesin amerıkalyq korporatıvtik ádispen biriktirip, negizge alǵan edi. Sıngapýrlyq ádis shartty granttar, eńbekpen óteý arqyly oqýshylardy yntalandyrýǵa negizdelse, al amerıkalyq modelde nátıjege basa nazar aýdarylady.

- Búgingi shynaıy jaǵdaıda jumysqa ornalasý úshin shyn máninde ne mańyzdy?

- Qazirgi ýaqytta akademııalyq álem men kásibı qoǵamdastyq arasynda qandaı da bir alshaqtyq bar. Ókinishke qaraı, ýnıversıtette oqytylatyn dúnıeniń 95 paıyzy tájirıbede qoldanýǵa da kelmeıdi. Eń bastysy, joǵary oqý ornynan oılaı bilýdi, mindetterdi aıqyndap, sheshim qabyldaýdy alyp shyǵýǵa bolady. Sondyqtan da biz naryqtyń kásibı sheberlerin qazirgi jumys berýshilerge qajetti naqty ári kásiptik saladaǵy jaqsy daǵdy alý esebinen naryqtaǵy básekege qabilettilikti qamtamasyz etetin halyqaralyq sertıfıkat alýǵa shaqyramyz.

- AHQO-dan qalaı taǵlymdamadan ótýge bolady?

- Qazirgi ýaqytta Bıýro 2019 jylǵa arnalǵan 2 taǵlymdama baǵdarlamasyn iske qosady. Birinshisi - qańtardan naýryzǵa deıin stýdentterge arnalǵan óndiristik tájirıbeden ótý taǵlymdamalyq baǵdarlamasy. Ekinshisi - 3-4 kýrs stýdentterine arnalǵan aqy tólenetin jazǵy taǵlymdama. Úzdik stýdentter AHQO-da jáne/nemese qatysýshy kompanııalarda odan ary jumysqa ornalasý múmkinshiligi bar 10 aptalyq taǵlymdamadan ótý quqyǵyn alady. Aldaǵy ýaqytta ótetin taǵlymdamalar týraly tolyqqandy aqparat taıaý arada Bıýronyń aifc.edu.kz saıtynda qoljetimdi bolady.