AHQO Caqtandyrýdy qadaǵalaý halyqaralyq assotsııasymen memorandýmǵa qol qoıdy

NUR-SULTAN. QazAqparat – AHQO-nyń táýelsiz retteýshisi Qarjylyq qyzmetter kórsetýdi retteý jónindegi komıteti (AFSA) Caqtandyrýdy qadaǵalaý jónindegi halyqaralyq assotsııasynyń (IAIS) Kópjaqty ózara túsinistik týraly memorandýmyna qol qoıdy, dep habarlaıdy QazAqparat.

IAIS - álemdegi barlyq elderdiń saqtandyrý qyzmetin qadaǵalaý men retteý jónindegi ulttyq organdardy biriktiretin halyqaralyq uıym.

IAIS Atqarý komıtetiniń tóraǵasy Vıkı Saportanyń aıtýynsha , k ópjaqty túsinistik týraly memorandým daǵdarys kezeńinde ǵana emes, sonymen qatar kúndelikti qadaǵalaý da mańyzdy retteýshi qural bolyp tabylady. Bundaı yntymaqtastyq qaýipsiz jáne ornyqty saqtandyrý naryqtarynyń damýyna yqpal etedi.

Bul kelisim AFSA-ǵa saqtandyrý kompanııalaryn transshekaralyq qadaǵalaý salasynda álemniń 74 retteýshisimen yntymaqtastyq ornatýǵa múmkindik bermek. Memorandýmnyń 75 qatysýshysy álemdik saqtandyrý syılyqaqylarynyń jalpy kóleminiń shamamen 76% quraıdy.

«Biz IAIS kópjaqty ózara túsinistik týraly memorandýmyna qol qoıǵanymyzǵa qýanyshtymyz. Bul kelisim bizge saqtandyrý kompanııalaryn transshekaralyq qadaǵalaý salasyndaǵy basqa retteýshilermen yntymaqtastyqty kúsheıtýge múmkindik beredi. Bul AHQO-da tıimdi qadaǵalaýdy jáne tutynýshylardyń quqyqtaryn qorǵaýdy damytý úshin qajet», - dedi AHQO-nyń qarjylyq qyzmetter kórsetýdi retteý jónindegi komıteti (AFSA) bas dırektorynyń mindetin atqarýshy Muhtar Bóbeev.