AHQO ashylýy Qazaqstannyń halyqaralyq yntymaqtastyqty qoldaıtynyn bildiredi - IFC

ASTANA. QazAqparat - Yntymaqtastyqtyń 20 jyldan astam ýaqytynda  Halyqaralyq qarjy korporatsııasy  (IFC) Qazaqstan ekonomıkasyna $1,4 mlrd astam qarjy ınvestıtsııalady. Osylaısha, qarjy, gaz, taý-ken, aýyl sharýashylyǵy, ónerkásip salalaryndaǵy jeke sektordyń 60 jobasyna qoldaý kórsetti. PrimeMinister.kz tilshisi HQK vıtse-prezıdenti Djordjıno Beıkermen negizgi jumys baǵyttary, iri jobalady iske asyrý jáne AHQO ashýdyń mańyzdylyǵy týraly suhbattasty.

- HQK yntymaqtastyq jyldary Qazaqstan ekonomıkasyna $1,4 mlrd astam qarjy saldy. Korporatsııa qandaı asa mańyzdy jobalardy qarjylandyrýǵa qatysty?

- Men HQK Qazaqstanǵa osyndaı qomaqty qarjy salǵanyn maqtan tutamyn. Biz qarjy, aýyl sharýashylyǵy, ındýstrııa tárizdi sektorlardy qamtydyq. Bul osyndaı sektoraralyq yqpalǵa qol jetkizý úshin asa mańyzdy.

- Korporatsııanyń bizdiń elge qatysty jýyrdaǵy josparlary qandaı?

- Biz QR Premer-Mınıstri B. Saǵyntaevpen kezdesip, Qazaqstannyń Qytaıǵa sıyr eti eksportynyń kólemin aldaǵy ýaqytta arttyrýǵa qatysty mal sharýashylyǵy sektoryn odan ári damytýǵa yqpal etý týraly másele qaraldy. Biz muny eksport shynymen de qajetti deńgeıinde bolýy jáne qajetti standarttarǵa sáıkes kelýi úshin Qazaqstannyń halyqaralyq básekege qabilettigi turǵysynan qarastyratyn bolamyz. Osyǵan oraı biz atalǵan sektorǵa halyqaralyq ınvestorlardy tartamyz.

Halyqaralyq qarjy korporatsııasy Dúnıejúzilik bank tobyna kiredi. Qazaqstan HQK 1993 jyly kirdi. Birlesken jobalar:

2014 - «Qazmıkroqarjy»: kásipkerlerdiń QR-da shaǵyn nesıelerge qoljetimdiligin arttyrý úshin;

2014 - «Sýffle Qazaqstan»: astyq satyp alý, astyqty birinshi rettik óńdeý jáne satý salalarynda kompanııa qyzmetin arttyrýǵa yqpal etý boıynsha;

2013 - «Sberbank Kazahstan»: ShOB nesıelendirýdi arttyrý úshin;

2013 - «Istkomtrans»: temirjol parkin jáne kompanııa qyzmetin keńeıtýge yqpal etý úshin;

2012-2014 - «Arnur»: valıýtalyq táýekelderdi basqarý úshin shaǵyn qarjylandyrý jáne valıýta aıyrbastaý boıynsha qyzmetterdi arttyrý;

2012 - Fawaz Abdulaziz Alhokair: QR-da Saýd Arabııasynyń  kompanııa-rıteılerin keńeıtýdi qarjylandyrý úshin;

2011 - Archimedes Health Developments: QR jáne Grýzııada densaýlyqty saqtandyrý qyzmetterin keńeıtý úshin.

- Qazaqstanda sońǵy jyldary memlekettik-jekeshelik áriptestik tabysty damyp keledi. Sizdiń oıyńyzsha, bul HQK yntymaqtastyqtyń artýyna yqpalyn tıgize ala ma?

- HQK-nyń MJÁ jobalaryndaǵy róli týraly aıtqanda, Úlken Almaty aınalma avtomobıl jolyn salý boıynsha qarjy kelisimin atap ótken jón. Bul jobany iske qosý biz úshin asa mańyzdy qadam boldy. Endi biz MJÁ jobalaryna qatysýdy arttyrýdy jáne budan ári halyqaralyq qarjylandyrýdy mundaı mehanızmderge ınfraqurylymdy damytý múmkin bolatyndaı tartýdy josparlap otyrmyz.

- Qazir Qazaqstanda N.Nazarbaevtyń bastamasy boıynsha Indýstrııa 4.0-ge kóshý iske asyrylyp jatyr. Ekonomıkanyń túrli salalarynda memlekettik baǵdarlamalar júzege asyrylýda. Buǵan HQK qatysa ma jáne qatyssa qandaı baǵyttarda?

- Biz, árıne, óz kúsh-jigerimizdi qazaqstandyq ekonomıkany Prezıdent belgilegen joldarmen qoldaýǵa baǵyttaıtyn bolamyz. Kóbirek tabys beretin, áleýeti zor sektorlarǵa ınvestıtsııa salatyn bolamyz.

- Sizdiń oıyńyzsha, AHQO ashylýy yntymaqtastyqtyń jandanýyna yqpalyn tıgize ala majáne osyǵan baılanysty qandaı boljamdar aıta alasyz?

- Bul ábden múmkin. Qarjy ortalyǵynyń ashylýy Qazaqstannyń halyqaralyq yntymaqtastyqty qoldaıtynyn bildiredi. Qarjy ortalyǵy - bul alǵa basqan úlken qadam. Biz osy ortalyqtyń ashylýyna oraı ekonomıkanyń qalaı damıtynyn kórgimiz keledi. HQK AHQO qoldaýǵa ázir, bul ekonomıka úshin mańyzdy. Sondyqtan bul ortalyqtyń ashylýy - Qazaqstan úshin úlken qadam dep bilemin.