AHAJ-dyń e-qyzmetteri ishinde balanyń týylǵany jáne nekege turǵany týraly anyqtamalar eń kóp suranysqa ıe

Bul anyqtamalardy «elektrondyq úkimet» portalynda tirkelgen jáne elektrondyq tsıfrlyq qoltańbasy bar Qazaqstan Respýblıkasynyń azamattary ala alady, dep habarlady QR Baılanys jáne aqparat mınıstrliginiń baspasóz qyzmetinen.

Vedomstvonyń atap ótýinshe, anyqtamany onlaın túrinde nekege 2008 jylǵy 1maýsymnan bastap turǵan azamattar ǵana ala alady. Al, týylǵany týraly anyqtama 2007 jylǵy 13 tamyzdan keıin týylǵan balalarǵa beriledi.

Portaldy qoldanýshy qajetti úlgini toltyryp, óziniń ETsQ-syn qoıǵan soń, suranym birden AHAJ-dyń aqparattyq júıesine joldanady. Eger suranym jiberýshi nekede turmasa (nemese balalary bolmasa) «suranym dárejesinde» suratqan málimetterdiń joq ekeni týraly aqparat kórsetiledi. Eger qoldanýshy nekede tursa nemese balalary bolsa onda oǵan anyqtama alý úshin tólem júrgizý maqsatynda kelesi betke ótý usynylady. 0,3 AEK kólemindegi memlekettik baj salyǵyn tólem kartochkasynyń nemese derbes shot kómegimen portalda tóleýge bolady. Tólem júrgizilgennen keıin jáne suranym AHAJ-dyń aqparattyq júıesinde óńdelgennen keıin suranym berýshige nekede turǵany nemese balanyń týylǵany týraly aqparat PDF formatynda jiberiledi. Qajet bolǵan jaǵdaıda ony bastyryp alýǵa bolady. Sondaı-aq, atalǵan anyqtama nemese bunyń aldynda alynǵan ózge de e-qujattardyń barlyǵy «qyzmetterdi alý tarıhy» bóliminde saqtalady.

AHAJ usynatyn e-qyzmetterdi www.egov.kz portaly alý úshin suranym berýshi bar-joǵy bir saǵat ýaqytyn jumsaıdy. Al, suranym dástúrli off-laın túrinde bolsa, onda anyqtama bir kúnniń ishinde beriledi. Eger suranym berýshi balanyń týylǵan nemese nekesin tirkegen meken-jaıdy aýystyrǵan jaǵdaıda, onyń anyqtamany kútý ýaqyty 30 kúnge deıin sozylýy múmkin.

«Búgingi kúni «elektrondyq úkimet» portalynda AHAJ usynatyn qyzmetterdiń 11-i ǵana elektrondyq túrde qoljetimdi. Balanyń týylǵany týraly kýálikten ózge, nekeniń tirkelgeni jáne buzylǵany týraly, óziniń aty men tegin, ákesiniń atyn ózgertkeni týraly anyqtamalardy Internet arqyly ala alady. Sondaı-aq, balanyń týylǵany týraly kýálikti qaıtadan alýǵa, ákelikti ornatýǵa, bala asyrap alýǵa ótinish berýge bolady.

Qazirgi ýaqytta «egov.kz» portaly arqyly balanyń týylǵany jáne nekege turǵany týraly 1500 anyqtama berilgen bolsa, jalpy «elektrondyq úkimet» portaly arqyly barlyǵy 8 mln. astam qyzmet kórsetilgen», - delingen habarlamada.